Настани

Состанокот се одржа на 16 ноември 2018 година во просториите на Министерството за информатичко општество и администрација со почеток во 9 часот. Беше посветен на запознавање на работната група и презентација на активностите што претходеле и што ќе следат во наредниот период, согласно Стратегијата за Отворени податоци и акцискиот план 2018-2020 година.

Наредниот состанок ќе се одржи во втората половина на месец декември 2018 година.

* Фото: Министерството за информатичко општество и администрација

На 15.11.2016 година во ЕУ инфо центарот во Скопје се одржа јавна презентација на препораките за реформи од проектот „Граѓаните во собрание“.

Слободен софтвер Македонија ја презентираше предлог-реформата за единствен матичен број на граѓанитот, која што предлага менување на законот со цел зголемување на приватноста на граѓаните и подобра заштита на нивните лични податоци.

Почнувајќи од вторник 13-ти Ноември од 18 до 20 часот, на Факултетот за Информатички Науки и Компјутерско Инженерство (ФИНКИ), Слободен софтвер Македонија ќе одржи серија предавања на тема слободен софтвер и слободна култура.

Првото предавање е на тема „Слободен софтвер технички и социо економски аспекти на слободен софтвер”. Предавачи ќе бидат Новица Наков и Дамјан Георгиевски. Присутни ќе бидат и останатите членови на Слободен Софтвер Македонија, со цел да се претстави работата на Хаклабот КИКА. Ова прво предавање претставува одлична можност да чуеме што всушност сакаат студентите да слушнат и научат, а со тоа и да ни помогнат да ги структурираме натамошните предавања.