Бон-тон за електронска комуникација

1. Не е дозволено навредување на другите членови, користење на (претерано) вулгарни изрази... До сега немало вакви испади, се надеваме дека така и ќе остане.

2. Не е пожелно карање со другите, но тешко дека во светов постои листа на која никогаш немало некакви ситни караници. Воздржи се ако можеш, обиди се да ја одделиш расправата во посебна нишка на пораки за да оние што не ги интересира да можат лесно да ја прескокнат. До сега бевме мирољубива листа, се надеваме дека така и ќе остане.

Потруди се во пораките да се држиш до основната тема на LUG мејлинг листата, а тоа е Слободен Софтвер и се што има врска со него.

Далеку од тоа дека атмосферата на листата треба да биде како во музеј. Добра зафрканција или интересна приказна се секогаш добродојдени - се работи за тоа да излетувањата од темата ги сведиме на разумна мера за да можеме на оваа мејлинг листа да имаме што повеќе корисни информации за Слободниот Софтвер (не заборавај дека оваа мејлинг листа може да ја прочита секој). Не се сите членови заљубени во Слободниот Софтвер: некои се овде само од радозналост, поради некој благ афинитет кон целата работа и нејасни идеи од типот на "би можел и јас еден ден да инсталирам Linux, само кога инсталацијата би била полесна...". На таквите бргу би им здодеала листа со полно пораки кои немаат врска со Слободниот Софтвер (уствари, бргу би им здодеала и на останатите).

Ако си решил да напишеш нешто што е надвор од темата, тогаш би било згодно тоа и да го нагласиш, со еден "(off topic)" кој би го додал на почетокот на насловот на пораката.

Насловот треба колку што е можно повеќе да одговара со содржината на пораката. На секој од нас повремено ни се случува да пишува за баби, а во насловот на пораката да стави "жаби", но треба да се трудиме за некој наш состанок да не се договараме под наслов "Linux ЦД". Зошто е ова битно? Затоа што:
- Кога меѓу еден куп пораки во Inbox ќе видиш наслов "Договор за
состанок во недела", тогаш знаеш дека треба да ја погледнеш прво таа порака, бидејќи е недела, 12 на пладне, а состанокот ни почнува во 17.
- Кога после две години во архивата ќе бараш нешто за OpenOffice.org, сигурно нема да ти падне на памет дека информацијата се крие во пораките кои се маскирани со наслов "Проблем".
- На листава веројатно има и членови кои се претежно заинтересирани за користење на Слободен Софтвер, но не и за сите дискусии поврзани со развој, локализација, прилагодување на Слободниот Софтвер. Од друга страна има членови кои се заинтересирани баш за ова второто. Доколку насловите се соодветни со пораките, секој од нас ќе може да ги прескокне
пораките кои не го интересираат.

    > Цитат на кој одговараш
   
    Твојот одговор

    > Друг цитат на кој одговараш

    Твојот одговор

Тешко е да се сетиш на барем една причина (освен мрзливост) поради која треба да се цитира целата порака на која се одговара. Цитирај ја само суштината, она на кое навистина одговараш, она што сакаш да го коментираш. Не допуштај да ти се испуштат "И јас исто!" или цитирање на 10 килобајти текст, за на крајот да напишеш "И јас мислам така" или недај боже едно минијатурно "Да". Особено е битно да се скратат долгите цитати, со оглед на тоа дека така пораките зафаќаат многу повеќе, а сите добро знаеме колку е "брз" и "евтин" интернетот (и телефонските импулси) во нашата земја.

Уште една лоша варијанта: комплетно цитирана порака на која одговараш е вметната под твојот одговор, затоа што твојот е-маил клиент "така работи". Ова не е само гаф и непрегледно (зошто да натераш некого да лизга до крајот на твојата порака за да види на што тоа ти си одговорил) туку е и бесмислено. Значи, одговорот се пишува под оригиналниот текст, а не над него!

Не пропуштај да ја форматираш пораката дака да биде лесно читлива. Ако си одвоил време за да напишеш некој текст, немој целиот да го бутнеш во еден единствен пасус, инаку може да бидеш сигурен дека џабе си се трудел - повеќето оваквите пораки едвај ќе ги зирнат или ќе ги прескокнат. Сети се како те учела професорката по македонски во средно (точка, запирка, нов ред...).

Текст кој ја завзема целата ширина на екранот е напорен за читање. Направи го пократок.

На листата не смеат да се праќаат датотеки прикачени на пораките.

Ако сакаш со членовите на листата да поделиш некоја датотека, слика, документ, можеш да испратиш порака во која ќе објасниш за што се работи и ќе дадеш интернет адреса (линк) на која ќе може да се најде таа датотека. Направи си некоја едноставна веб-страна на која ќе можеш лесно да си ги upload-уваш датотеките.

Немој на листата да испраќаш пораки во html формат! На скоро сите мејлинг листи "куќниот ред" вели пораките да се испраќаат само како обичен (plain) текст. Пораките испратени во html формат зафаќаат повеќе килобајти, а и меѓу нас има такви кои користат конзолни e-mail клиенти што не отвараат html пораки. Праќањето на пораки во текст формат се подесува во твојот e-mail клиент (побарај ја опцијата "use plain text only" или слично).

Кога можеш (доколку не те спречува маил клиентот, webmail-от или оперативниот систем) користи кирилица. Се договоривме основни енкодизи со кои ќе се пишуваат кириличните пораки на листата да бидат UTF-8, ISO-8859-5 или Windows-1251. Жалосно е да пишуваме на латиница, кога имаме наше кирилично писмо, кое веќе е подржано во речиси сите оперативни системи и клиенти за електронска пошта.