Вратете се на страната со информации за актуелниот Инстал фестивал 2005.


Од: Слободен Софтвер Македонија <info@slobodensoftver.org.mk>
До: Македонските компјутерски корисници
Тема: GNU/Linux Install & Burn Fest
Место:
15.05.2004(Сабота)
16.05.2004(Недела)
Собрание на град Скопје
Мала сала од 11 до 20h

Викендов, Слободен Софтвер Македонија организираше Install и Burn Fest во просториите на градското собрание во Скопје. Настанот траеше два дена, од 11 до 20 часот.

Важно е да се напомене дека интересот беше навистина огромен и дека уште првиот ден беа надминати сите наши очекувања!

Накратко, исходот од овогодинешниот Install & Burn Fest беше: 11 успешно инсталирани и конфигурирани машини и над 200 снимени дискови со GNU/Linux дистрибуции и друг слободен софтвер.

Од понудените дистрибуции помеѓу посетителите најголем интерес се пројави за Mandrake 10 и Slackware 9.1. Овие дистрибуции се токму двете кои што беа и највеќе инсталирани во однос 7:4.

Друг слободен софтвер кој што беше понуден на сите заинтересирани беше и The Open CD, OpenOffice.org на македонски и англиски јазик, Mozilla пакетот, Mozilla Firefox и Mozilla Thunderbird.

На настанот повеќепати беше прикажуван и документарниот филм „RevolutionOS“.

Сигурни сме дека и во иднина ќе се организираат вакви и слични настани се со цел да се приближат предностите на слободниот софтвер и оперативниот систем GNU/Linux до сите заинтересирани корисници во Република Македонија.

За да осетите дел од атмосферата погледнете ја Галеријата на слики или гледајте го прилогот кој го сними екипата на емисијата „Ентер“ што ќе се емитува на 22.05 (сабота) во 18:00 часот на А1 телевизија.



Слободен Софтвер Македонија организира инсталационен фестивал на кој ќе можете, со помош на искусни корисници, да инсталирате GNU/Linux на вашиот компјутер. Овој викенд (15.05 и 16.05) во Малата сала на Градско собрание.

Сакаме да им дадеме на компјутерските корисници во Македонија шанса да го испробаат GNU/Linux бидејќи тој е одличен оперативен систем. Сакаме ваквиот собир да биде еден вид промоција и презентација која ќе ги избрка предрасудите што луѓето ги имаат за GNU/Linux. Сакаме да придонесеме во користењето на легален софтвер. Сакаме да придонесеме во користењето на квалитетен софтвер.

Install Fest e собир за инсталирање софтвер. На овој Install Fest, ќе ви помогнеме да инсталирате GNU/Linux на вашиот компјутер. Ако пак не сте заинтересирани да инсталирате GNU/Linux, можете да дојдете и само да се информирате. Или можете да донесете систем со веќе инсталиран GNU/Linux кој ви прави проблеми – ние ќе ви помогнеме да го средите.
Burn Fest е помалото братче на Install Fest-от. Ако сакате сами да си го средите компјутерот, тогаш можете да дојдете со празни дискови и да ги снимите најновите GNU/Linux дистрибуции. Види ја листата на дистрибуции кои ги имаме.

Пишете на ако имате намера да дојдете. Ова не е задолжително – сакаме само да знаеме отприлика колку луѓе ќе дојдат. Се разбира можете да ни пратите и информации за вашиот компјутер за да можеме однапред да ви кажеме некои корисни совети. На пример информации за модемот кој го имате можат да бидат корисни бидејќи драјверите за модемите можат да бидат проблем. Исто така можете да ни пишете ако сакате да инсталирате некоја одредена GNU/Linux дистрибуција. Така ќе можеме да утврдиме колку луѓе сакаат една или друга дистрибуција и соодветно да се спремиме.

Прочитајте го ЧПП документот пред да дојдете.

Прочитајте го Disclamer документот.




Главно Слики ЧПП Disclamer Рашири го муабетот