Фотографии

Атмосферата од самиот маратон можете да ја почуствувате од фотографиите. Подолу избор од неколку фотографии.

  • Работна атмосфера.
  • Лекторка проверува како Ангел преведува.
  • Васко при крај на силите.
  • Некои нејасни зборови ни ги објаснуваше и речникот.
  • Минатите маратони:
  • - Декември 2002
  • - Јуни 2003
Маратонот заврши.

Корисничкиот интерфејс на Опенофис 2.0 е целосно преведен на македонски јазик, како и 25% од помошта. Веќе излегоа и првите инсталациони датотеки за Линукс и слики од екранот на Опенофис.орг 2.0 на македонски јазик. Погледнете како изгледа од овие слики или од овие слики од екранот.

Ако сакате да го пробате како изгледа на Вашиот компјутер, бета нестабилни инсталациони датотеки можете да преземате од ftp.linux.cz

За понатамошни информации за текот на уредување и финализирање на преводот посете ја mk.openoffice.org

Маратонот е во тек.

Може да ја погледнете статистиката за преведеноста во живо или да погледнете неколку фотографии во галеријата или во оваа галерија или во третата галерија.

Маратон!

Во организација на фондацијата „Метаморфозис“ и „Слободен софтвер Македонија“, а по повод љубовта кон мајчиниот јазик, викендот на 16, 17 и 18 Септември 2005, 54 часа нон-стоп, ќе се трча маратон за локализација на слободен софтвер.

Маратон за локализација е собир на доброволци кои во краток временски период преведуваат определено парче слободен софтвер од англиски на мајчин јазик, во нашиот случај македонски јазик.

Целта на овоj маратон е целосно да се преведе на македонски јазик канцеларискиот пакет Опенофис.орг 2.0.

Доколку сте заинтересирани да помогнете посетете ја страната за пријава на учеството.

Идејата зад маратонот

Ја увидуваме потребата од употреба на слободниот софтвер на сите нивоа, почнувајќи од високо образовните институции, невладините организации, преку големите, средните и малите компании па се до домашните корисници.

Имајќи ја во предвид економската ситуација во државата и високите цени за лиценцирање на оперативни системи и софтверски продукти, а водени од светските движења и искуства во сите развиени и неразвиени региони во светот, како и повеќекратните бенефиции од користење на софтвер на мајчин јазик се организира овој настан и Ве повикуваме и Вие да се приклучите.

Една од главните придобивки е дека се работи за софтверски пакет кој е слободен т.е. издаден под LGPL лиценцата и сите кои сакаат да користат софтвер на македонски јазик ја имаат таа можност слободно и бесплатно.

Поврзанистрани