Слободен софтвер Македонија - Јавна администрација

Податоци за употребата на слободен софтвер во приватниот и јавниот сектор во Р. Македонија

2смк — Wed, 07 Nov 2012 08:58:25 +0000

Според информациите собрани од страна на Државниот завод за статистика на Р. Македонија во 2010 и 2011 година употребата на слободен софтвер бележи раст во приватниот сектор (мали, средни, големи претпријатија) и јавниот сектор (министерства, агенции, јавни претпријатија и локална самоуправа).

Во 2010 година употребата на „бесплатен (open source) оперативен систем пр. Linux“ во приватниот сектор е 11%, при што постои значителна разлика помеѓу употребата на вакви системи во малите компании (до 50 вработени) каде употребата е 8,7% и големи (над 250 вработени) каде употребата е 28%. По класа на типот на дејсноста според Националната класификација на дејности предничат компаниите што се бават со „Финансиско посредување“ (класи 65, 66, 67) и „Деловни активности“ (класи 70-74). Во овој извештај не постојат посебни податоци за ИКТ секторот.

Во 2011 истражувањето на Државниот завот е подетално. Покрај употребата на „Оперативен систем пр. Linux“ каде според податоците е забележан раст од 10 процентни поени (просекот е 22,2% за целиот приватен сектор – а сите групи според големината на субјектите имаат отприлика ист процент на употреба од 21-23), во истражувањето има податоци и за употребата на друг слободен софтвер. Така, „Софтвер за интернет пребарувач, пр. Mozilla, Firefox“ користат 63,3% од компаниите (57,1% малите, 66,1 средните и 78.6 големите компании), а „Офис софтвер пр. OpenOffice“ користат 34,6% од компаниите (34,2%, 31,6%, 50,6% соодветно). Според дејностите употребата на „Open Source оперативен систем пр. Linux“ е најголема во одделот „Информации и комуникации“ каде 65,3% од субјектите користат ваков оперативен систем, потоа следат „Финансиските дејности“ со 51,6% и „ИКТ сектротот“ со 58,1. Најмалку субјекти што користат ваков систем има во „Градежништво“ - 18,8%.

Во истражувањето од 2012 година за деловните субјекти во Р. Македонија не се прибирани податоци за употребата на слободен софтвер.

Според истражувањето од 2009 во јавниот сектор Besplaten ("open source") operativen sistem (na pr., Linux) користеле 16.9% од субјектите. Поделени по групи 33,3% од министерствата го користеле овој оперативен систем, додека кај останатите субјекти употребата е помеѓу 13 и 16 проценти.

Во 2011 има пораст од 8 процентни поени. Употребата на Operativen sistem, pr., Linux 25.0
е 25% при што има незначителна разлика помеѓу централната и локалната власт. Незначителна разлика помеѓу локалната и централната власт постои и во процентот на употреба на „Софтвер за интернет пребарувач,. пр, Mozilla, Firefox, Chromium“ каде употребата е на високи 91,5 од сите субјектите во овој сектор. Употребата на „Ofis softver, pr., OpenOffice“ е исто така висока – 63,6% од сите субјекти користат ваков тип на софтвер.

За подетални информации видете ги официјалните соопштенија на Државниот завод за статистика на следниве URL-а:
http://www.stat.gov.mk/PrethodniSoopstenijaOblast.aspx?id=97&rbrObl=27
http://www.stat.gov.mk/PrethodniSoopstenijaOblast.aspx?id=76&rbrObl=27

Вести:

Поднесок до Министерството за информатичко општество од 2смк, за иницијативата за отворено владино партнерство и отворени податоци

Игор — Thu, 22 Mar 2012 13:27:05 +0000

Следниов поднесок е доставен до irena.bojadzievska miao.gov.mk и marija.nikoloska mioa.gov.mk ќе биде доставено и до архивата на миоа

Open Data иницијатива, како да стане подобра

Како претставници од Слободен Софтвер Македонија, на вчерашната конференција посветена на
Open Data, нафрливме неколку поенти и предлози колку што времето и дискусијата дозволуваа.
Слободен Софтвер Македонија е отворен за соработка и во прилог има неколку од разработените
предлози и идеи.

== Екосистем на отворени податоци ==

Иако пласирањето на Open Data иницијативата е возможна и без целиот екосистем[1], неговото
популаризирање на вистинскиот начин и самоодржливоста и исплатливоста без креирањето на
овој екосистем не се возможни. За еден ваков проект да успее, или подобро, за да успее еден
проект од владата наменет за граѓаните, не е можно без нивно директно вклучување во процесот
на пласирање и изработка.
Таа соработка исто така мора да е очигледна, со што е можно поголем круг на граѓани. Не го
земајте здраво за готово зборот „очигледна“, затоа што треба да се сфати буквално: односно,
сите да се вклучени и да им е јасно за што всушност, се работи и што со тоа ќе се постигне и
секако каква корист ќе имаат од тоа. Подлабоко влијание на граѓаните имаат идеите кои
циркулираат доле, меѓу нив и од кои се дел, или е дел некој што го познаваат и може да им
објасни од прва рака, од било каква телевизиска кампања која би ги на пример, рекламирала
отворените податоци и би креирала свесност за нивно користење и обработка.
Креирањето на сервисите (како e-government) кои се наменети за јавното добро и граѓаните, би
било природно да се одвиваат по пат на соработка помеѓу органите на јавната управа (владата),
граѓаните и бизнис заедницата.

== Слободен софтвер успешен пример за соработка ==

Добар пример за успешна соработка на глобално и локално ниво е заедницата на слободен
софтвер - каде волонтери, професионалци, преставници на различни групи и поедицни креираат
крајни производи, конкурентни и сосема функционални, кои пак им се враќаат како придобивка
на истите тие придонесувачи во проектите, но и на поширок појас на корисници. Околината на
слободниот софтвер е секогаш отворена за соработка, и како што рековте дека акциониот план е
жива материја, за слободниот софтвер важи истото: ако нешто не ви се допаѓа или сакате да
додадете, а имате познавања и ресурси како тоа да го направите, слободно можете во
координација на оние кои го координираат проектот тоа и да го направите, или пак да оставите
барање кое ќе биде разгледано и можеби усвоено и направено за вас.
Овде може да се потенцираат приоритетите за кои беше разговарано на конференцијата; на
ваков начин би се намалила можноста за грешка или евентуално несогласување на приоритетите
кои можеби владата мисли дека се на најважни, со оние кои се реална потреба на граѓаните.
Покрај креирањето на платформите како е-влада, со ваквиот начин на работа би се стимулирале
и креациите на нови апликации кои би ги користеле отворените податоци, и заедницата ќе
може да си ги прави сама за себе. Иако изгледа како за ова да се постави требаат и многу работи
и инфраструктура, всушност постојат многу готови сервиси кои би можеле да се искористат за
подигнување на ваква платформа за работа и колаборација.
Веќе постоечките системи за комуникација и менаџирање на ваквите проекти се достапни, и
како повеќе од нашите членови се дел од нив повеќе години, не е воопшто комплицирано да се
изведат. За почеток, можат да се вклучат студентите, или професионалците кои сакаат
волонтерски да учествуваат во креирањето и подобрувањето на ваквите системи и апликации, во
соработка со граѓанскиот сектор кој би ги идентификувал потребите.

== Што можеме да примениме ==

На пример, на оваа страница http://www.ecidadania.org/es/ се наоѓа шпански проект за е-влада,
кој ќе има за задача да биде продолжена рака на владата и преку кој граѓанскиот сектор,
невладините и индивидуалците граѓани ќе можат да се вклучуваат да бидат социјално активни
во одредени акции, или пак да учествуваат во креирањето на владините политики, делот кој веќе
го имате. Овој проект е базиран сосема на слободен софтвер, односно кодот е отворен, а отворен
е и за колаборација на проекти како Google Summer of Code, за кој еден од нашите претставници
ви спомна на конференцијата, отварајќи ја можноста ние да направиме нешто слично.
Ние би можеле да го направиме истото за сервисите кои треба да се градат овде во Македонија,
поставувајќи го костурот на апликација, и отварајќи ја целосно за секој кој сака да придонесе во
нејзиното креирање и подобрување. Локалните студенти и ит професионалци ќе стекнат пракса
во вистински проект, ќе се чувствуваат вклучени во проектот, а и граѓаните сигурно овој потег
ќе го прифатат со радост. Понатаму, граѓанскиот сектор би можел наместо да води дискусии
директно да придонесе давајќи конкретни предлози кои би сметале дека треба да се направат од
волонтерите. Во Македонија, недостига комуникацијата помеѓу владата и граѓанскиот и бизнис
секторот, која би требало да се воспостави на сите нивоа. За сето тоа треба време, но
Министерството за Информатичко Општество ја има идеалната можност да почне во таа насока,
со отварањето на овие проекти, и користејќи ја инфраструктурата која му ја нудат новите
технологии за воспостанување транспарентна и партиципативна политика која ќе биде дочекана
со одобрување од другата страна.

== Чекорите и препораки потребни за имплементирање на концептот на отворени
податоци според Слободен софтвер Македонија би требало да ја следи следнава
предложена временска рамка ==

• Пред да се почне да се работи на акцискиот план нулта точка е стандардизирање на
форматите на објавување на отворените податоци наш предлог е xml, json, csv, rst ;
• Слободниот софтвер и отворените формати на документи се клучни при импментацијата
на концпетот на отворени податоци, Националната политика за слободен софтвер која е
во рацете на МИОА значително ќе ја подобри оваа позиција и ќе постави здрава основа
за понатамошниот раст и развој на дигиталните владини сервиси, внатрешни процеси и
објавување на отворени податоци ;
• Хармонизација на авторските права за објавените податоците, содржините произведени
од органите на јавната управа, дозвола за споделување (CC BA-SA) криејтив комонс
наведи извор, сподели под исти услови) или компатибилна лиценца прилагодена на
законот за авторските и сродни права ;
• Интероперабилност и пристап и користење на отворените податоци од повеќе
оперативни системи и од сите поголеми мобилни платформи ;
• Приоритет за пилот е Заводот за статистика и објавување на отворени податоци од
богатата ризница со која располага оваа јавна установа .

[1] Jeff Kaplan, презентација http://www.slideshare.net/jeffkaplan88/jeff-open-mkmar2012

Ресурси

http://www.slideshare.net/Metamorphosis/ss-12114520
http://mioa.gov.mk/?q=node/2945

Прилог	Големина
open_data_initiative_suggestions.pdf	47.1 KB

Вести:

Јавна администрација

Записници

Конференции

Предавање за митовите за слободниот софтвер

2смк — Wed, 10 Nov 2010 15:46:11 +0000

Денес, 10.11.2010 г. во рамките на работилницата за е-влада што ја организира USAID преку својот Egov проект, Дамјан Георгиевски од Слободен софтвер Македонија одржа кратка презентација за слободниот софтвер и митовите за неговата безбедност и сигурност.

Презентацијата траеше 10-тина минути и беше продлабочена со дискусија помеѓу присутните за другите нејаснотии кои постојат во јавноста во врска со карактеристиките на слободниот софтвер.

Вести:

Настани

Јавна администрација

Презентации

Записник од првиот состанок на националниот совет за информатичко општество

Игор — Fri, 27 Mar 2009 22:05:45 +0000

ЗАПИСНИК

од првиот состанок на Националниот совет за информатичко општество

На 18.03.2009 во 13 часот во билатералната сала во Владата на Република Македонија беше одржан првиот состанок Република Македонија за информатичко на Националниот совет општество. Министерство за информатичко На состанокот присуствуваа: претседателот на НСИО, м-р општество Иво Ивановски, заменик претседателот на НСИО, г-дин Лазо Петрушевски, г-дин Димитар Буковалов (МТВ), г-ѓа Рената Бурова Ѓурова (АЕК), г-дин Васко Кроневски (МАСИТ), г-дин Никола Хорватовиќ (ССКМ), г-дин Нури Мемети (Северозападна комора на Македонија), г-ѓа Ива Максимовска ( Здружение на информатичари), проф. д-р Маргита Кон Поповска (Интеруниверзитетска конференција ПМФ), проф. д-р Tони Стојановски (Интеруниверзитетска конференција Европски Универзитет), г-дин Мирослав Јовановиќ (експерт), г-ца Марија Николоска (претседател на оперативно техничкиот тим). Членови на НСИО се и г-ѓа Софче Јовановска(СКМ), г-дин Бардил Јашари (Фондација институт отворено општество-Метаморфозис), г-дин Александар Арсовски (ЗЕЛС) и проф. д-р Благоја Самакоски (експерт), кои не присуствуваа на состанокот.

На почетокот министерот за информатичко општество м-р Иво Ивановски им се обрати на присутните и им се заблагодари за нивното присуство. Тој го истакна значењето што го има овој Национален совет во градењето на информатичкото општество во Република Македонија. Министерот Ивановски го претстави заменик претседателот на НСИО, г-дин Лазо Петрушевски, кој им се обрати на присутните членови. Потоа и останатите членови накратко се претставија со цел нивно подобро запознавање.

Министерот Ивановски подетално ги запозна членовите со улогата и надлежностите на Националниот совет за информатичко општество. Тој, исто така, ги посочи и придобивките од неговото формирање. Министерот рече дека транспарентноста при работењето; вклучување на сите чинители во развојот на информатичкото општество и медиумите; проактивност при имплементација на стратегии од областа на ИКТ претходно усвоени од Владата на Република Македонија и воспоставување постојана двонасочна комуникација меѓу сите чинители во развојот на информатичкото општество и медиумите се основните начела на работата на Националниот совет. Потоа г-ца Николоска ги презентираше проектите на Министерството за информатичо општество.

Г-динот Кроневски во врска со проектот “Користи македонски зборови – изработка на лексикон на македонски зборови од областа на ИКТ”, даде коментар Република Македонија дека ваков проект би бил од особена корист бидејќи со него би се избегнал правно- формалниот проблем на Министерство за информатичко прогласување на некои од склучените договори за општество неважечки поради користење на несоодветно преведени македонски зборови. Г-динот Јовановиќ рече дека овој лексикон понатаму би можел да се користи како проверувач (checker) на зборови. Г-динот Кроневски даде предлог да се работи на овој лексикон перманентно за да може постојано нашиот јазик да се надополнува со нови термини од областа на ИКТ. Проф. д-р Кон Поповска напомена при преводот на зборовите да се користат и преводите на српски, хрватски и словенски. Г-динот Мемети даде предлог на зборовите да се направи и превод на албански.

Во врска со проектот за воведување на ИКТ стандарди, гдинот Јовановиќ посочи дека Метаморфозис имаат направено документ со препораки за ИКТ стандарди во државната управа. Министерот Ивановски спомена дека во МИО се работи на ова и дека тие стандарди се надградени и документот наскоро ќе биде пратен до Владата на РМ. Проф. д-р Стојановски додаде дека Техничкиот комитет за ИТ стандарди при Институтот за стандардизација ментално е во процес на формирање.

Во врска со проектот за МАРНет, проф. д-р Кон Поповска рече дека покрај УКИМ треба да се поврзат и другите факултети и дека меѓународниот линк можат да го користат и другите државни институции. Г-динот Хорватовиќ праша дали ќе има можност за јавно приватно партнерство, на што проф. д-р Кон Поповска одговори дека сега за сега не постои таква можност. Министерот Ивановски додаде дека моментално се работи на закон за МАРНет. После одржаната презентација, Министерот Ивановски даде можност за поставување на прашања.

Г-динот Буковалов праша дали претставниците на бизнис секторот се фиксни или може по потреба на конкретните теми на дискусија наместо нив да дојдат други претставници. Министерот Ивановски одговори дека не постои можност за замена на постојаните членови на НСИО, меѓутоа, рече дека постои можност за определени теми на состаноците да присуствуваат и други лица. На присутните членови им беше поделен ПредлогДеловник Република Македонија членовите детално на НСИО и беше договорено да го разгледаат до наредниот состанок, за кога се Министерство за информатичко предвидува истиот да биде донесен. општество На крајот министерот Ивановски го затвори состанокот и во согласност со сите присутни членови рече дека наредниот состанок ќе се одржи на 8.04.2009.

Заклучоци:

Г-ца Марија Николоска да прати до сите членови листа со контакти од членовите на НСИО
Г-ца Марија Николоска да ги прати на сите членови презентацијата од проектите на МИО и Предлог- Деловникот на НСИО
сите членови на НСИО до наредниот состанок на НСИО да го разгледаат Предлог-Деловникот на НСИО
Наредниот состанок на НСИО е закажан за 8.04.2009.

Прилог	Големина
zapisnik od prviot sostanok na NSIO 18.03.2009.pdf	165.27 KB

Вести:

Јавна администрација

Документи

Членови на Национален совет на информатичко општество

Игор — Fri, 27 Mar 2009 22:03:21 +0000

Листа на членови на новоформираниот совет за информатичко општество

Прилог	Големина
Листа на членови на национален совет за информатичко општество (pdf)	101.91 KB

Вести:

Јавна администрација

Документи

Мислење за националната стратегија за Авторските и сродните права со пропратно писмо

Игор — Mon, 08 Dec 2008 16:07:08 +0000

Прилог	Големина
mislenje-za-nacionalna-strategija-apsp.pdf	181.46 KB
mislenje-za-nacionalna-strategija-apsp.odt	62.71 KB
propratno-pismo-min.za_.kultura.odt	143.7 KB
propratno-pismo-min.za_.kultura.pdf	165.41 KB

Вести:

Јавна администрација

Документи

Организација

Документите кои Слободен софтвер Македонија ги испрати до Министерството за култура на неговиот повик за мислење во врска со националната стратегија за авторски права.

Мислење за националната стратегијата за авторското право и сродните права

Игор — Mon, 03 Dec 2007 23:38:55 +0000

До Министерство за култура на Р. Македонија, Слободен софтвер Македонија испрати одговор на барање за мислење по предлог - Национална стратегија за унапредување на остварувањето на авторското право и сродните права во Република Македонија.

Се надеваме дека овие мислења ќе им бидат од корист на вработените во Министерството за култура при изработката на стратегијата и дека ќе бидат вклучени во нејзината конечна верзија.

Во интерес на јавноста, ги објавуваме мислењата и предлозите по предлог - Национална стратегија за унапредување на остварувањето на авторското право и сродните права во Република Македонија.

Прилог	Големина
mislenje-za-nacionalna-strategija-apsp.pdf	181.46 KB

Вести:

Јавна администрација

Документи

Препораки за ИКТ стандарди во државната управа

Игор — Sat, 03 Nov 2007 15:06:18 +0000

Прилог	Големина
tehnicki_preporkati-za-drzavna-uprava.odt	40.53 KB

Вести:

Јавна администрација

Документи

Пред печатењето овој документ беше дистрибуиран до релевантните организации како што се МАСИТ, Стопанската комора, Сојузот на стопански комори, организацијата Слободен софтвер Македонија, Институтот за стандардизација на РМ и сите засегнати државни институции, со цел да се изгради документ кој при имплементацијата на препораките ќе биде широко прифатлив.

Друпал за Владата на Република Македонија - ќе го прави „Ултранет Ултра Дооел“ од Скопје

2смк — Tue, 25 Sep 2007 13:38:10 +0000

Изминатиов период Владата на Република Македонија прибираше понуди за изработка на тема за нејзините веб страници. Платформата која ја одбрале е Друпал и Слободен софтвер Македонија учестуваше на овие конкурси со своја понуда. Можете да го видите изгледот кој го предложивме.

Денес по пошта ни стигна известување дека како најдобар понудувач е избрано скопското друштво „Ултранет Ултра Дооел“. Можете да го видите известувањето и решението од Владата.

Без разлика на исходот Слободен софтвер Македонија ја поздравува одлуката на Владата на Република Македонија да користи слободен софтвер за својата веб инфраструктура. Се надеваме дека тоа нема да биде единственото место каде што ќе се користи слободен софтвер и дека тој ќе најде уште поголема примена во државните институции.

Вести:

Јавна администрација

Документи

Активности на Слободен софтвер Македонија поврзани со различните нивоа на власт во Р. Македонија

2смк — Sat, 23 Jun 2007 13:42:11 +0000

Вести:

Јавна администрација

Организација

Слободен софтвер Македонија ја критикува владата и пониските нивоа на власт кога тие прават чекори кои се погрешни или проблематични, но истовремено ги промовира чекорите кои се примери за добро владеење во областа на информациските и комуникациските технологии.

За контроверзното стратешко партнерство на Владата на Р. Македонија можете да прочитате на оваа врска.

За примерите на добро владеење можете да ја посетите оваа врска.

Сите информации поврзани од оваа област можете да ги видите во категоријата јавна администрација.