Слободен софтвер Македонија - Донации

Библиотеката збогатена со 16 нови наслови

2смк — Thu, 22 Apr 2010 17:12:21 +0000

Страницата за библиотеката на Слободен софтвер Македонија, како и библиотеката во хаклабот КИКА со шестнаесет нови книги донација од Библиотеката на Македонската академија на науките и уметностите.

Голема благодарност до Љубомир Ѓоревски.

Вести:

Донации

Заедница

Книги

Како да ја извршите уплатата

Игор — Fri, 15 Feb 2008 14:32:13 +0000

Вести:

Донации

Документи

Акцијата за донации за купување проектор за Сподели знаење и Сподели кино успешно заврши.

Доколку сте ветиле извесна сума на пари или сакате дополнително да донирате финансиски средства на организацијата, можете да ги уплатите на:

Слободен софтвер Македонија
ул. Злате Михајловски бр.26 1000 Скопје

банка на примач: НЛБ Тутунска Банка - Скопје

број на сметка: 210057088340110

цел на дознака: Донација за проектор за Слободен софтвер Македонија

Ви благодариме за подрршката и се надеваме дека и понатаму ќе бидете со нас.

Дополнително, можете да видите пример пополнета уплатница:

Слободен софтвер Македонија сака да купи проектор. Помогнете!

2смк — Tue, 30 Oct 2007 17:59:48 +0000

Ако ги следите нашите активности во последно време (на пример: откажувањето на СподелиКино, тогаш знаете дека проекторот е едно од тесните грла со кои се соочуваме постојано.

За жал, нешто како проектор не може да се надополни со доброволна работа и трудољубивост, па затоа се вртиме кон барање на финансиска помош за да купиме проектор или пак донација на еден проектор.

Пишете ни ако сакате некако да помогнете. Однапред благодариме за помошта.

Вести:

Донации

Организација

Донирајте на Слободен софтвер Македонија

2смк — Sat, 23 Jun 2007 10:49:10 +0000

Вести:

Донации

Заедница

Организација

Ако сакате да донирате време и труд во зедницата тогаш продолжете кон проектите кои ги работи Слободен софтвер Македонија и заедницата.

Ако сепак сакате да донирате пари, тогаш тоа можете да го направите со уплаќање на средства на жиро-сметката на Слободен софтвер Македонија.
Жиро-сметката е 210-0570883401-10 при НЛБ Тутунска Банка АД - Скопје.

Шифра: 562 - Уплата за донации

Исто така можете да донирате книги во библиотеката на Слободен софтвер Македонија. За дополнување на библиотеката одржуваме листа на желби.

Пишете ни ако сакате некоја книга да се најде на листата на желби.

Дел од основачите и членовите на „Слободен софтвер Македонија“ заедно со луѓе од пошироката заедница го во 2009 година го формираат хаклабот КИКА.

Што е хаклабот КИКА?

За оние кои не се сретнале со овој термин претходно, хаклаб е место каде луѓе со заеднички интереси, најчесто компјутери и технологија како што е и во овој случај, можат да се среќаваат, социјализираат, соработуваат или едноставно да споделат знаење. Уште една идеја околу постоењето на ваков простор, е тоа што со комбинирањето и споделувањето на ресурсите и знаењето, може да се постигне многу повеќе.

Во КИКА во текот на неделата се одржуваат тематски денови, односно „GNU/Linux прва помош“ во понеделник, „Сподели кино“ во вторник, четврток е денот посветен на програмските јазици (ruby, python, javascript, erlang, C++ итн.), а во сабота се одржува целодневното „Сподели знаење“ каде што се одржуваат работилници од областа на слободниот софтвер а не ретко се работи на некој хардверски проекти и изработка на геџети. Сепак, концептот на КИКА му дава право на секој да дојде и да презентира сѐ што сака, ако за таа тема има заинтересирани.

Преку секојдневните активности и активната заедница, КИКА има за цел: да помага во креирањето на слободно информациско општество преку едукација, да биде едно од средиштата на заедницата на корисници на слободен софтвер, да представува лабoраторија за презентација на најнови технолошки достигнувања од светот на слободниот софтвер и отворени технологии, но и преку актот на споделување знаење да придонесува во надградбата и индивидуалниот развој на сите членови.

На КИКА и треба помош!

На жиро сметката на „Слободен софтвер Македонија можете да донирате средства за поддршка на првиот македонски хаклаб. Парите се користат за оперативните трошоци (кирија, струја, греење и сл). Во моментов најпотребни ни се финансиски средства за да можеме да продолжиме да ги оддржуваме сите активности кои што се и секогаш ќе останат отворени за јавноста.

Покрај финансиските средства во КИКА постојано се трошат LED диоди, отпорници, микроконтролери, струја, компјутери, наполитанки, матични плочи, хард дискови и РАМ меморија со кои се изработуваат најразлични проекти. На КИКА и треба и инфраструктура па ако имате осцилоскоп, столчиња, маси, полици, фотељи, алат, електронски компоненти и сл. би биле добредојдени.

Спонзорство за промоција на OpenOffice.org на македонски

2смк — Fri, 11 Apr 2003 12:04:17 +0000

Слободен софтвер Македонија е млада организација. Сепак нејзината активност веќе вроди плод. Веќе го имаме пред нас канцеларискиот пакет OpenOffice.org преведен на македонски за време на преведувачкиот маратон, организиран од нашата организација во декември 2002.

OpenOffice.org е слободен софтвер, што значи дека може слободно и бесплатно да се дистрибуира и користи. Нашиот следен чекор е промовирање на овој софтверски производ пред македонската јавност.

За да го постигнеме ова, превземавме чекори овој канцелариски пакет да биде претставен на годинешниот Инфоком кој ќе се одржи на Скопски саем од 15 до 19 април.

Конечно, за да ја изведеме успешно оваа презентација, како и целата замисла за промовирање на OpenOffice.org на македонски, потребна ни е вашата помош. Се надеваме дека ќе ни излезете во пресрет со спонзорство за изработка на дискови со OpenOffice.org кои ќе се делат бесплатно на посетителите, како и за друг пропаганден материјал (флаери, брошури, постери).

Со тоа, логото на вашата фирма, би се појавило на пропагандниот материјал и опаковката на CD-то, во делот за благодарност до спонзорите/покровителите/пријателите на Слободен Софтвер Македонија.

Средствата може да ги уплатите на жиро-сметка 210-0570883401-10 депонент на Тутунска Банка.

Вести:

Од стара страница

Локализација

Донации