Слободен софтвер Македонија - Билтен

Билтен на Слободен софтвер Македонија за јуни 2010

2смк — Mon, 07 Jun 2010 19:35:47 +0000

Добредојдовте во јунското издание од 2010 на билтенот на Слободен софтвер Македонија.

Содржина:

Прирачник за пристапни опции во Edubuntu;
Нови книги во библиотеката на хаклабот КИКА;
Ден на интелектуална сопственост;
Убунту 10.04;
Емануел Голдсин во Скопје;
Мозила Балкан 2010;
НСНД Белград 2010;
Национална политика за слободен софтвер;
Ричард Сталман во Скопје.

Прирачник за пристапни опции во Edubuntu

Слободен софтвер Македонија во соработка со фондацијата Метаморфозис и организациајта „Отворете ги прозорците“ го објави прирачникот за пристапни опции во Edubuntu и GNOME. Благодарение на посебните алатки достапни во оваа работна околина, на лицата со хендикеп (на пр. со оштетувања на видот, моторни нарушувања, интелектуална попреченост) им се овозможува да го користат овој оперативен систем без поголеми потешкотии.

Прирачникот е објавен под лиценцата Creative Commons 2.5 и е достапен за преземање од страницата на Метаморфозис. http://www.metamorphosis.mk/izdanija/informatichko-opshtestvo/prirachnik...

Нови книги во библиотеката на хаклабот КИКА

Библиотеката во хаклабот КИКА во изминатиов период беше збогатена со 20 нови книги од областа на ИКТ: програмирање, мрежи, оперативни системи и слично. Книгите се донација од Библиотеката на Македонската академија на науките и уметностите. Повеќе информации: http://slobodensoftver.org.mk/vesti/16-novi-knigi-vo-bibliotekata

Ден на интелектуална сопственост

Под слоганот „Другата страна на интелектуална сопственост“, светскиот ден на интелектуалнат сопственост на 26-ти април беше одбележан и во Скопје. Во хаклабот КИКА се одржа дебата и проекции на документарни филмови, скопското радио Канал 103 ја посвети својата дневна програма на музика издадена под CreativeCommons лиценци. Настанот беше дополнет со текст објавен на повеќе страници: http://spodeliznaenje.blogspot.com/2010/04/blog-post_26.html

Ubuntu 10.04

Веќе некако традиционално во КИКА беше посветена едне вечер на новата верзија на GNU/Linux дистрибуцијата Ubuntu. http://spodeliznaenje.blogspot.com/2010/05/ubuntu-1004.html

Емануел Голдстин во Скопје

Во целосно неформална посета во КИКА поминавме вечер со Емануел Голдстин уредникот на едно од најважните хакерски списанија 2600 (http://www.2600.com/). Голдстин туристички ги шеташе земјите од поранешна Југославија и Албанија. При посетата на КИКА тој сними интервју со локалните хакери за неговата радио емисија во Њу Јорк.

Mozilla Балкан 2010

Првиот интер-балкански собир на Мозила заедниците помина во одлична атмосфера и со многу интересни теми. Локалната заедница се покажа како добар домаќин и одличен организатор на настан кој го привлече вниманието на стотина корисници на производите на Мозила од Скопје и Македонија.

Сите реакции и коментари можете да ги погледате https://wiki.mozilla.org/Balkans:2010/Aftermath

НСНД Белград 2010

По вообичаена шема се одржа уште едно ништо нема да се случи овој пат во Белград. Настанот се одржа во галеријата Озон на 29 и 30 мај. Покрај вообичаените хакерски теми, вистински настан на НСНД беше присуството на Воја Антониќ еден од најстарите Југословенски хакери и човекот зад компјутерот Галаксија http://en.wikipedia.org/wiki/Galaksija

Национална политика за слободен софтвер

Во позадидна на сите хакерски настани започна имлементацијата на проектот за Национална политика за слободен софтвер. Овој документ треба да го дополни постоечкиот сплет на документи во врска со ИКТ во Македонија и да го подобри функционирањето на државната управа.

Активностите околу проектот се објавуаат на http://npss.slobodensoftver.org.mk/

Јавноста е поканета да се приклучи.

Ричард Сталман во Скопје

Како вистинско финале на овие 2-3 месеци исполенети со многу активности на 3 јуни таткото на слободниот софтвер Ричард Сталман одржа предавање на тема „Авторските права против општеството“. Предавањето се случи пред многубројна публика во преполнетата сала во Холидеј-ин. Бројноста на посетителите комплетно нѐ изненади.

Информации за предавањето и видео од него има на: http://slobodensoftver.org.mk/rms/
Јавна благодарност од Слободен софтвер Македонија:
http://slobodensoftver.org.mk/vesti/richard_stallman_vo_skopje2
Реакции по предавањето:
http://npss.slobodensoftver.org.mk/2010/06/blog-post_07.html

По сето ова одиме на заслужен летен одмор.

Happy hacking!

Содржината на оваа порака пред сѐ е наменета за новинари и организации со кои соработува Слободен софтвер Македонија, но истата се испраќа до сите оние кои се пријавиле за тоа.

Доколку и вие сакате да ја добивате оваа порака, пишете ни на <info slobodensoftver.org.mk>.

Вести:

Медиуми

Билтен

Билтен на Слободен софтвер Македонија за март 2010

2смк — Mon, 29 Mar 2010 18:01:10 +0000

Добредојдовте во мартовското издание од 2010 на билтенот на Слободен софтвер Македонија.

Содржина:

НСНД Штип;
Python вечери @ КИКА;
Mozilla Балкан 2010.

НСНД Штип

На 20 и 21 март 2010 г. во Штип за прв пат надвор од главниот град Скопје, се одржа неформален собир во стилот на СподелиЗнаење и НСНД. Настанот се одржа во средното училиште „Коле Нехтенин“ каде што заедницата на корисници на слободен софтвер реализира повеќе работилници и предавање со различна тематика.

Програмата се состоеше од разни активности кои вклучуваа презентации за слободен софтвер, хаклабот, НСНД, Python, Ruby, GNU/Linux администрирање, Arduino, OTR и други, кои што во најголем дел беа реализирани.

Вториот ден беше организиран мини инстал-фест кој одеше паралелно со „Убунту прва помош“ каде што беа инсталирани неколку лап-топ компјутери и решени неколку проблеми на истите. Останатиот дел од денот беше искористен за хакирање на Arduino.

Python вечери @ КИКА

Почнувајќи од 11 март 2010 во КИКА почнуваат да се одржуваат „Python вечери @ КИКА“. Настанот е закажан за секој втор четврток од 19 до 21 часот, бидејќи секој друг четврток е резервиран за Ruby meetups.

Целна група за првиот дел од „Python вечерите“ се луѓе кои знаат основи на програмирање, како што се принципи на циклуси, услови, основните дата типови и слично.

Покрај учењето на Python целта е да се формира и група на корисници на Python. Конкурсот за името на групата е отворен.

Mozilla Балкан 2010

Докажуваме дека важи изреката „Заедно сме посилни!“. Македонската Mozilla заедница заедно со Mozilla заедниците низ целиот балкан ќе започнат со организирање на конфиеренции низ Балканот, со цел да ја запознаат локалната публика со Mozilla, нашата активност и значењето на слободниот софтвер.

Првата средба ќе се оддржи токму во Македонија, и тоа на 22 Мај 2010 (Сабота). Сеуште немаме дефинирано локација, но голема веројатност е да се оддржува во амфитеатарот или некоја од бараките на ФЕИТ.

На самиот настан ќе се држат предавања од водичите на локалните Mozilla заедници од Балканот и ќе се водат разни дискусии. Понатаму секако ќе следуваат повеќе информации околу оваа средба, како што ќе ги подготвуваме идеите.

Доколку сакате да бидете подетално и побрзо информирани околу настаните поврзани со Mozilla Балкан:2010 ивентот, проследете го договарањето директно на wiki-то на Mozilla: https://wiki.mozilla.org/Balkans:2010

Содржината на оваа порака пред сѐ е наменета за новинари и организации со кои соработува Слободен софтвер Македонија, но истата се испраќа до сите оние кои се пријавиле за тоа.

Доколку и вие сакате да ја добивате оваа порака, пишете ни на <info slobodensoftver.org.mk>.

Вести:

Медиуми

Билтен

Билтен на Слободен софтвер Македонија за декември 2009

2смк — Sun, 20 Dec 2009 11:45:58 +0000

Добредојдовте во декемвриското издание од 2009 на билтенот на Слободен софтвер Македонија.

Содржина:

Роденден на Firefox;
НСНД Загреб;
Конференција Е-општество.мк 2009;
Три месеци хаклаб КИКА.

Роденден на Firefox

На 9-ти ноември 2009 Firefox го славеше својот 5-ти роденден. По тој повод во просториите на Факултетот за електротехника и инфоматички технологии, гупата Mozilla Македонија организираше прослава. Повеќе за настанот (и слики од тортата) има на форумот на IT.com.mk.

НСНД Загреб

Вонредниот „Ништо нема да се случи“ (Ništa se neće dogoditi) се случи во Загреб, Хрватска од 27 до 29.11.2009 година во хаклабот МАМА во Загреб.

Непосредна причина за овој НСНД беше токму отварањето на овој хаклаб. Програмата на настанот беше исполнета со различни теми, a своја шанса за настап доби и Дамјан кој го презентираше неговиот irc bot напишан во erlang.

Конференција Е-општество.мк 2009

На 2 и 3 декември 2009 во Скопје се одржа петата по ред конференција Е-општество, овој пат со наслов „Јас, медиум“. Како и до сега, Слободен софтвер Македонија учествуваше со презентација и дискусија на округлата маса.

Повеќе на веста презентација на Е-општество.мк 2009.

Три месеци хаклаб КИКА

До нова година нашио хаклаб КИКА ќе прослави 3 месеци работа и хакирање. Во изминатиот период во КИКА речиси без престан се одржуваа настаните „Сподели знаење“ - секоја сабота, „Убунту прва помош“ - секој понеделник и RubyMK собирите - секој четврток.

Хаклабот, покрај со ентузијазам, во овој период беше дополнет и со поголема збирка книги донација од Илин Петковски, како и хардвер донација од Арангел Ангов, Илин Петковски и Метаморфозис.

Содржината на оваа порака пред сѐ е наменета за новинари и организации со кои соработува Слободен софтвер Македонија, но истата се испраќа до сите оние кои се пријавиле за тоа.

Доколку и вие сакате да ја добивате оваа порака, пишете ни на <info slobodensoftver.org.mk>.

Вести:

Медиуми

Билтен

Билтен на Слободен софтвер Македонија за октомври 2009

2смк — Thu, 29 Oct 2009 22:45:34 +0000

После подолга пауза, Слободен софтвер Македонија го објавува својот билтен со новости од светот на слободниот софтвер.

Документот е приложен како PDF во оваа вест, а истовремено може да се чита на интернет на адресата: http://wiki.lugola.net/2s.mkBilten10.09

Прилог	Големина
2s.mk-bilten-10.2009.pdf	311.72 KB

Вести:

Медиуми

Билтен

Билтен на Слободен софтвер Македонија април 2008

Арангел — Tue, 06 May 2008 09:28:45 +0000

Добредојдовте во априлското издание на билтенот на Слободен софтвер Македонија.

Содржина:

Пресконференција: „Кирилицата и слободниот софтвер“;
Нов систем за пријавување на грешки во проектите за локализација;
Pidgin, софтвер за инстант пораки целосно преведен на македонски;
Ресурсен центар „Ubuntu за Македонија“.

Пресконференција: „Кирилицата и слободниот софтвер“

Слободен софтвер Македонија во просториите на НВО Инфоцентарот одржа кратка презентација за новинарите за кириличните можности на слободниот софтвер.
За презентацијата беше користена најновата верзија на GNU/Linux дистрибуцијата , која патем, е целосно локализирана на македонски јазик.

Презентацијата имаше за цел да ја запознае пошироката јавност со можностите на слободниот софтвер од ова поле. Поточно, дека овие букви се достапни во слободниот оперативен систем во повеќе програми и веќе можат да се користат.

http://slobodensoftver.org.mk/vesti/slobodniot_softver_pisuva_pravilna_k...

Нов систем за пријавување на грешки во проектите за локализација

Изминатиов месец беше подновен системот за пријавување на грешките во проектите за локализација на софтвер на македонски јазик. Сите заинтересирани можат да пријавуваат грешки за GNOME, KDE, Ubuntu, Fedora, Pidgin, Firefox, Thunderbird, XFce, OpenOffice.org итн на http://bugs.softver.org.mk. Ветуваме дека ова нема да одземе повеќе од 2 минути од вашето време, а со пријавување на грешка во македонскиот превод на било кој слободен софтвер ќе придонесете за подобро искуство при употреба за сите што го користат софтверот на македонски јазик.

Pidgin, софтвер за инстант пораки целосно преведен на македонски

Мулти-платформскиот и мулти-протоколски клиент за инстант пораки Pidgin е повторно целосно преведен на македонски јазик од страна на тимот за локализација на софтвер во Слободен софтвер Македонија (овој пат со помош и од членови на заедницата). Pidgin може да се користи за поврзување на сите популарни протоколи како што се Jabber, ICQ, MSN, Yahoo, AIM и сл.
Најновата верзија на Pidgin можете да ја преземете од: http://www.pidgin.im

Ресурсен центар „Ubuntu за Македонија“

Паралелно со објавувањето на една од најпопуларните дистрибуции на GNU/Linux - Ubuntu Linux 8.04 беше отворен и ресурсниот центар за Ubuntu на македонски јазик. Проектот „Ubuntu за Македонија“ е целосно поддржан од страна на Слободен софтвер Македонија. Овој ресурсен центар треба да претставува место каде што сите корисници на Ubuntu Linux би можеле да побараат бесплатен совет за било што поврзано со овој оперативен систем.

http://ubuntu.linux.net.mk
http://www.ubuntu.com

Содржината на оваа порака пред сѐ е наменета за новинари и организации со кои соработува Слободен софтвер Македонија, но истата се испраќа до сите оние кои се пријавиле за тоа.

Доколку и вие сакате да ја добивате оваа порака, пишете ни на <info slobodensoftver.org.mk>.

Вести:

Медиуми

Документи

Билтен

Билтен на Слободен софтвер Македонија март 2008

Георги — Wed, 09 Apr 2008 06:51:54 +0000

Добредојдовте во мартовското издание на билтенот на Слободен софтвер Македонија.

Содржина:

Слободен софтвер Македонија купи проектор;
Ажурирање на OLPC лаптопите во Македонија;
Одбележан Денот на слободни документи;
Македонски верзии на пред-изданието на Firefox 3;
Излезе GNOME 2.22.

Слободен софтвер Македонија купи проектор
По успешната кампања за донации од минатиот месец, Слободен софтвер Македонија купи проектор за потребите на Сподели Кино и Сподели знање. Моделот на проекторот е BenQ MP620c. Им заблагодаруваме за донациите и за помошта околу купувањето на сите кои учествуваа и донираа. Се гледаме на Сподели Кино и Сподели знаење.

http://spodeliznaenje.blogspot.com/
http://kajmakot.softver.org.mk/proektor_donacija/

Ажурирање на OLPC лаптопите во Македонија
При крајот на месец март Слободен софтвер Македонија организираше еднодневен настан на кој беа ажурирани OLPC лаптопите со најнови верзии на оперативниот систем решавајќи ги неколкуте проблеми на дечињата од основните училишта „Војдан Чернодрински“ во општината Карпош и „Дитурија“ во Сарај кои ги имаа при нивното користење.

http://olpc.blog.com.mk

Одбележан Денот на слободни документи
На 26 март заедно со градовите на 20 земји во светот Слободен софтвер Македонија скромно го одбележа Денот на слободни документи со огранизирање јавна трибина на која беше дискутирана употребата на отворени стандарди во Македонија. Целта на ваков ден е да се подигне свесноста за употреба на отворени стандарди и документи кои ќе можат да се употребуваа на било која платформа во било кое време. Беа присутни преставници од Слободен софтвер Македонија, Метаморфозис и заедницата на корисници на слободен софтвер. Фотографии од настанот може да се погледнат во Галеријата на слики.

На 29 март и во Прилеп во организација на Групата на корисници на Линукс од Прилеп во Фондацијата за поддршка и развој беш одбележан Денот на слободни документи со презентација на слобoдни формати и јавна дебата на која беа правени споредби помеѓу Microsoft Windows, Microsoft Office и GNU/Linux, OpenOffice.org и OOXML и ODF документ форматите.

http://www.flickr.com/photos/spodeliznaenje/2365060828/
http://picasaweb.google.com/dimeski.kiril/DocumentFreedomDay2008

Македонски верзии на пред-изданието на Firefox 3
Во текот на месец март почнаа да излегуваат и пред-издание верзиите на интернет прелистувачот Firefox 3 на македонски јазик. Во овој период преводот како и можностите на прелистувачот се финализираат и активно се доработуваат во пресрет на официјалната верзија Firefox 3.0. Македонската верзија може да се тестира и преземе од сајтот на Мозила.

http://ftp.mozilla.org/pub/mozilla.org/firefox/nightly/latest-trunk-l10n/

Излезе GNOME 2.22
Излезе финална верзија на работната околина GNOME верзија 2.22. Нова верзија на работната околина GNOME излегува секои шест месеци, со нови опции, подобрувања, поправени „бубачки“ и преводи. GNOME меѓу другото е стандардната работна околина на Ubuntu Linux оперативниот систем и е целосно преведен на македонски јазик. Погледнете ги белешките за изданието.

http://library.gnome.org/misc/release-notes/2.22/index.html.mk

Доколку и вие сакате да ја добивате оваа порака, пишете ни на <info slobodensoftver.org.mk>.

Вести:

Билтен на Слободен софтвер Македонија февруари 2008

2смк — Tue, 04 Mar 2008 19:27:33 +0000

Добредојдовте во февруарското издание на билтенот на Слободен софтвер Македонија.

Содржина:

Кампања за собирање донации за проектор;
Состаноци на Лугола;
Објавено одржување на DFD;
GNOME 2.22 повторно целосно преведен на македонски.

Кампања за собирање донации за проектор
Слободен софтвер Македонија, како дел од своите активности во агендата за работа покрај промоцијата на слободен софтвер и целата филозофија зад ова движење и технологија, ја има зацртано и промоцијата на слободна култура. За таа цел минатата година во голема мера беше промовирана и реализирана иницијативата „Сподели Кино“ на која се споделуваат видео материјали со слободна лиценца, најчесто материјали лиценцирани според Creative Commons моделот. За остварувањето на оваа идеја, „Слободен софтвер Македонија“ често позајмуваше опрема од други лица, конкретно видео проектор за користење на настаните „Сподели Кино“ и „Сподели знаење“. Но, по првата сезона на иницијативата „Сподели“, настанаа проблеми кои произлегоа поради немањето на проектор за задоволување на потребите на организацијата. Затоа „Слободен софтвер Македонија“ се одлучи да организира акција за донирање на средства кои ќе бидат наменети за купување на проектор.

Доколку сите кои се потпишаа дека ќе донираат средства за проектор го сторат тоа, буџетот ќе може да го поднесе трошокот за овој уред. Доколку и Вие сакате да донирате средства, тоа можете да го сторите со пополнување на налог за плаќање како што е прикажано на http://slobodensoftver.org.mk/uplata_za_donacii. Ако веќе сте донирале, тогаш уште еднаш Ви се заблагодаруваме.

Истовремено ја поздравуваме идејата на Игор Мишевски кој како индивидуалец пројави желба да и се заблагодари на заедницата на слободен софтвер од нашата земја преку донација на опрема, и тоа повеќе-функционален печатач/скенер за потребите на нашата организација. Ги повикуваме сите останати корисници на слободен софтвер да ја поддржат нашата работа преку слични чинови.

http://kajmakot.softver.org.mk/proektor_donacija/

Состаноци на Лугола
Групата на корисници на GNU/Linux од Битола од почетокот на 2008 година претрпе мали измени. Така, овој месец почна повторно да одржува редовни состаноци, секоја недела во 18.00ч. во канцелариите на Лугола. Со тоа се надеваме дека тие корисници кои се нови и кои се интересираат за проблематиките што ги решава Лугола ќе може да ги запознаеме на групен состанок во недела.

http://www.lugola.net/

Објавено одржување на DFD
Денот на слободни документи (DFD) е глобален ден за „ослободување“ на документите со масовна поддршка за промоција на форматите на слободни документи и отворените стандарди.

DFD е инициран и поддржан од група организации и компании, а оваа година симболично ќе биде одбележано и во нашата земја од Слободен софтвер Македонија и групите за корисници на GNU/Linux од нашата земја. Денот на слободни документи (26 март 2008.) има за цел организирање јавни собири каде ќе се стави акцент на слободните формати и отворените стандарди и важноста од нивно искористување насекаде во светот. Секој пријавен треба да добие знаме, маичка, летоци и беџеви во првите недели на месец март до координаторите на првите 100 тимови кои ќе се пријават.

http://documentfreedom.org/

GNOME 2.22 повторно целосно преведен на македонски
Благодарение на тимот за локализација на GNOME и скромниот придонес од поединци од заедницата, повторно имаме целосно преведен GNOME на македонски јазик. Моментално преостанува да се долокализира Anjuta врз која што активно се работи. Доколку има некој друг желба да помогне околу ова нека се пријави кај координаторот на локализацијата на GNOME. Помошта е секогаш добредојдена, а за оваа верзија посебно за тестирањето на преводите.

Македонскиот тим работи и на интегрирање на преводите од GNOME 2.22 во новата верзи ја на Ubuntu Linux (Hardy Heron).

http://l10n.gnome.org/languages/mk/gnome-2-22

Доколку и вие сакате да ја добивате оваа порака, пишете ни на <info slobodensoftver.org.mk>.

Вести:

Билтен на Слободен софтвер Македонија јануари 2008

2смк — Mon, 04 Feb 2008 15:05:04 +0000

Добредојдовте во билтенот на Слободен софтвер Македонија. Билтенот е електронска порака која вообичаено се испраќа еднаш месечно. Содржината на оваа порака пред сѐ е наменета за новинари и организации со кои соработува Слободен софтвер Македонија, но истата се испраќа до сите оние кои се пријавиле за тоа.

Доколку и вие сакате да ја добивате оваа порака, пишете ни на <info slobodensoftver.org.mk>.

Содржина:

„СподелиКино“ од иницијативата „Сподели“;
Работа на локализација Sunbird 0.8 и Firefox 3.0;
Работа на локализација на GNOME 2.22;
24c3.

„СподелиКино“ од иницијативата „Сподели“

Редовниот настан посветен на промовирање на слободна култура „СподелиКино“, кој досега се одржуваше во вторник и официјално, е преместен во среда. Исто така „СподелиКино“ од новата 2008 г. се одржува секоја недела. Настанот и понатаму започнува во 20 часот и локацијата останува иста - Културен центар „Точка“. Повеќе информации за тоа кои се темите на проекциите во „Точка“ можете да добиете преку редовно следење на блогот http://spodeliznaenje.blogspot.com/.

Од:
http://spodeliznaenje.blogspot.com/2008/01/blog-post_31.html

Работа на локализација на Firefox 3.0 и Sunbird 0.8

Локализацсикиот тим за производите на Мозила објави дека започнува со работа на локализацијата на следната главна верзија на прелистувачот за Интернет Firefox. Новата верзија на Firefox треба да се појави оваа пролет. Она што сепак ќе недостасува е алатката за проверка на правопис на македонски јазик и превод на помошта. Ако сте заинтересирани за некоја од овие опции контактирајте со тимот. За нивно завршување потребна е финансиска или материјална помош.

Истовремено, помалку познатата апликација на Мозила, календарот Sunbird стигнува до верзија 0.8. Преводот и за оваа апликација е готов и сега се тестира.

Како и секогаш сите заинтересирани корисници можат да помогнат во тестирањето на преводите. За повеќе информации видете го блогот http://mozilla.blog.com.mk/. Грешките можете директно да ги пријавите на http://bugs.softver.org.mk.

Од:
http://mozilla.blog.com.mk/node/128998

Работа на локализација на GNOME 2.22

Новата верзија на GNOME исто така треба да се појави оваа пролет и македонскиот локализациски тим веќе работи со полна пареа.

Главниот предизвик ќе биде преведувањето на Anjuta DevStudio кое од оваа верзија на GNOME станува дел од официјалната дистрибуција. Помош е посебно добредојдена токму за преводот на оваа развојна околина за GNU/Linux.

Информации за контакт со координаторите, како и за статусот на преводот има на:
http://wiki.lugola.net/Превод_на_GNOME_2.22

24c3

24-тиот Хаос компјутерски конгрес се одржа во Берлин пред истекот на старата 2007 година. На покана на соработниците од Германија, неколку членови на Слободен софтвер Македонија присуствуваа на оваа најголема хакерска конференција во Европа.

Информации од настанот, како и за презентации од настанот прикажани на „СподелиКино“ има на:
http://spodeliznaenje.blogspot.com/search/label/24c3

Вести: