Слободен софтвер Македонија - Од стара страница

Конференција за слободен софтвер

2смк — Wed, 16 May 2007 19:01:13 +0000

На 15.05.2007 во Македонија се одржа првиот голем настан за слободен софтвер на кој присуствуваа луѓе кои што не се дел од заедницата и не се хакери.

Слободен софтвер Македонија на самиот крај на главниот настан со своја презентација ја повика јавноста да се вклучи во активности поврзани со слободен софтвер - секој како што може, знае и умее.

Повеќе за самиот настан има напишано нашиот Александар Балаловски. Прочитајте тука.

Вести:

Од стара страница

Настани

Конференции

Слободен софтвер Македонија на радио

2смк — Mon, 22 Jan 2007 18:12:29 +0000

Изјавата за македонското радио која ја дадовме за нивната емисија за обуките кои Владата планира да ги спроведе ќе се емитува во сабота, 27 јануари 2007 год. во 11 часот. Фрекфенцијата е 97,3. Во целата сторија ја има текстуалната верзија на изјавата.

Ставот на Слободен софтвер Македонија во врска со обуките кои Владата на Р. Македонија сака да ги спроведе е во линија со Националната стратегија за развој на информатичкото општество која што е донесена од Владата и е изгласана во Собранието на Републиката. Таму јасно се вели дека: „потребно е да се поддржи употребата на слободниот софтвер и софтверот со отворен кoд како јавно добро кое е достапно за сите граѓани особено преку правото на избор на платформа во формалното и неформалното ИКТ-образование.“

Ова е добра прилика да се примени оваа препорака од стратегијата, бидејќи станува збор токму за обуки кои се неформално образование.

Сето ова има уште поголемо значење ако се знае дека употребата на слободниот софтвер е корисна за општеството во целина. Потврда за тоа се препораките од Европската унија според кои слободниот софтвер е од голема корист за земјите членки, а исто така, бројни студии укажуваат и на тоа дека употребата на слободниот софтвер за земјите во развој како нашата може да биде значаен фактор за надминување на дигиталниот јаз.

Поради сето ова сметаме дека обуки за компјутерска писменост не смее да се врзуваат исклучиво со производите на еден снабдувач на софтвер. Но, оптимисти сме дека оваа грешка ќе се поправи. Министерот Ивановски не извести дека побарал огласот и тендерот за обуките да се измени, така што нема да се спомнуваат имиња на поединечни софтверски производи, што впрочем е и одредба од Законот за јавните набавки. Се надеваме дека ова на крај ќе произведе поголем избор за сите граѓани во Македонија.

Вести:

Од стара страница

Медиуми

Извештај за работата на Слободен софтвер Македонија во 2006 година

2смк — Sat, 20 Jan 2007 12:19:08 +0000

Слободен софтвер Македонија во 2006 година се посвети на подигнување на јавната свест за прашањата поврзани со слободниот софтвер. Ова беше остварено преку организирање на повеќе настани: инсталационен фестивал во април 2006, меѓународна работилница за употребата на слободен софтвер во владините институции и образованието во октомври 2006, учество на конференцијата е-Општество.мк 2006 и конечно стартување на циклусот работилници „Сподели знаење“ на ФЕИТ во декември 2006. Во 2006 година се одржаа и веќе традиционалните предавања на Правниот и Економскиот факултет во Скопје. Инсталациониот фестивал кој се одржуваше по трет пат, за прв пат вклучи и предавања и работилници, па посетителите покарај тоа што можеа да добијат инсталација на слободен софтвер, можеа да видат и како тие системи се користат за работа, и да чујат предавања за слободниот софтвер и авторските права.

Меѓународната работилница беше организирана во соработка со UNDP Albania. Гостите од Република Албанија кои ја посетија Македонија во два дена можеа да се запознаат со начините и местата на употреба на слободниот софтвер во владините институции и образованието во Македонија. Работилницата беше оцената како успешна на општо задоволство на сите вклучени странки, со изразена желба за понатамошна соработка во иднина.

Конференцијата е-Општество.мк во организација на фондацијата Метаморфозис беше уште еден настан каде Слободен софтвер Македонија зема активно учество, како на пленарните сесии, така и преку организирање на работилници. За време на конференцијата беше остварена соработка и со Мултимедијалниот институт МАМА од Република Хрватска.

Работилниците „Сподели знаење“ кои во декември започнаа на ФЕИТ се последната активност во 2006-тата година. Покрај намерата преку овие работилници да се промовира слободен софтвер и корисни вештини поврзани со него пред се за студентите на ФЕИТ (но и за сите други заинтересирани), овие работилници се одлична можност во Скопје да се создаде неформална група луѓе која ќе гравитира кон слободниот софтвер. Вака можеби се удираат темелите на идниот скопски линукс клуб.

Покрај овие активности, Слободен софтвер Македонија преку целата 2006-та година во континуитет учествуваше како советодавец на проектот на UNDP Македонија за промовирање на слободен софтвер и софтвер со отворен код во локалната самоуправа во Република Македонија. Улогата на организацијата пред се беше насочена кон давање предлози, идеи и насоки за подобро спроведување на проектот. За таа цел беше изготвен и документот со препораки до UNPD. Исто така, Слободен софтвер Македонија до UNDP Македонија, предлагаше експерти за слободен софтвер кои во рамките на проектот можат да извршат определени активности.

Од она што не е остварено, а беше планирано, вреди да се спомена доцнењето со изработката на новите веб страници на организацијата. Но, бидејќи најголем дел од работата во рамките на организација е на волонтерска основа, останува надеж ова да се спроведе во текот на 2007 година.

Финансиски информации

За својата работа во 2006 година, Слободен софтвер Македонија доби директна надокнада за спроведување на меѓународната работилница за UNDP Albania. Согласно финансиските насоки на организацијата, за своите потреби Слободен софтвер Македонија располага со 20% од средствата (околу 240 EUR од околу вкупно 1200 EUR). Сепак, мора да се напомене дека по исплаќањето на трошоците за организација, хонорари за предавачите и другите надворешни лица, членовите на организацијата: Новица Наков, Дамјан Георгиевски, Игор Стаматовски и Георги Станојевски, се откажаа од средствата кои според буџетот на проектот требаше да им припаднат и истите ги донираа на организацијата. Исто така, Мирослав Јовановиќ ги донираше средствата кои требаше да ги добие како предавач. Со ова, на организацијата на располагање и останаа околу 550 EUR за кои собранието треба да даде препорака за која намена да се искористат во 2007 година.

Вести:

Од стара страница

Документи

Организација

Заедничко соопштение на Слободен софтвер Македонија и Метаморфозис

2смк — Tue, 16 Jan 2007 20:01:13 +0000

Сметајќи дека најавените обуки за компјутерска писменост за населението се во основа позитивен потег за развојот на информатичкото општество, Фондацијата Метаморфозис и НВО Слободен софтвер Македонија ја поттикнуваат Владата на РМ да овозможи право на избор за граѓаните, преку обуки за користење и на слободен софтвер.

Алтернативите од областа на слободниот софтвер, како Опен офис и Аби ворд, покрај тоа што овозможуваат вршење на истите канцелариски работи како софтверот најавен од Владата, ги нудат и следните јасни придобивки, особено во контекст на тековната економска состојба:

Слободно ширење, без потреба да се купуваат лиценци за користење;
Намалување на стапката на пиратство и криминализиција на корисниците на ИТ;
Користење формати за запис на документите базирани на отворени стандарди, овозможувајќи достапност на содржините без разлика на тековната технологија (ISO/IEC 26300:2006);
Можност за локализација и надградби на софтверот според сопствените потреби, без обврска за тоа право да се плати на било кој. Најважниот канцелариски слободен софтвер е веќе локализиран на македонски и албански јазик;
Оневозможување на создавање на зависност само од еден добавувач (vendor lock in), односно промоција на принципите на заштита на конкуренцијатаl;
Овозможува поседување, а не де факто изнајмување, на софтверот што се користи и службено и приватно;
Користењето на слободниот софтвер како јавно добро го препорачува и Националната стратегија за развој на информатичко општество, која со консензус во 2005 ја усвои Парламентот на РМ;
Европската комисија смета дека слободниот софтвер е клучен фактор за зголемување на конкурентноста и развојот на дигиталната индустрија во ЕУ (pdf).

Употребата на слободен софтвер исто така драстично ќе ја намали цената на компјутерите кои Владата објави дека ќе ги набави во рамките на проектот „компјутер за секој ученик“. Најпознатиот проект од таков вид на светско ниво „Еден лаптоп за секое дете“, користи исклучиво слободен софтвер оти само тоа одговара и на финансиските и на хардверските побарувања.

Граѓаните на Македонија покажуваат голем интерес за користење на слободниот софтвер. Најсвеж пример за тоа е поддршката што ја дадоа преку учество во покривање на трошоците за печатење на ЦД-то „Заврши си работа“, кое е дистрибуирано во вкупно 5.000 примероци.

Вести:

Собрание на Слободен софтвер Македонија 07

2смк — Thu, 11 Jan 2007 15:00:54 +0000

Согласно член 35 и од Статутот на Слободен софтвер Македонија редовното собрание на здружението ќе се одржи во среда 17 јануари 2007 со почеток во 19 часот во просториите на „Точка“.

Дневен ред:

Извештај за работата во 2006 година;
Креирање на општи и финансиски насоки за работа во 2007 година;
Разно.

Вести:

Од стара страница

Настани

Организација

Споделете знаење!

2смк — Wed, 06 Dec 2006 15:19:43 +0000

Слободен софтвер Македонија на својот блог специјално посветен на споделувањето на знаење, го најави отворањето на работилниците за слободен софтвер кои ќе се одржуваат на Факултетот за електротехника и информациски технологии.

Работилниците ќе се одржуваат секоја втора недела а започнуваат на 28.11.2006 (вторник). Бидете таму!

Вести:

Од стара страница

Настани

Работилници

Оглас за подготовка на понуда за апликации на проект на UNDP

2смк — Sat, 18 Nov 2006 13:32:15 +0000

За потребите не UNDP проектот за слободен софтвер во локалната самоуправа ќе треба да се развиваат апликации наведени во UNDP-TOR-2006.zip.

Слободен софтвер Македонија ќе треба да достави понуда со тоа што ќе настапи организацијата, а апликациите ќе ги развива тим на програмери кои имаат, желба, слободно време и знаење.

Дискусијата се разбира е на [ossm-members].

Прилог	Големина
UNDP-TOR-2006.zip	356.91 KB

Вести:

Од стара страница

Проекти

Конкурси

Слободен софтвер Македонија на e-Society.mk 2006

2смк — Thu, 16 Nov 2006 00:04:31 +0000

Ден први од втората конференција e-Society.mk. Нашиот Игор Стаматовски, во рамките на пленарната сесија за е-влада и граѓанско учество, презентираше кратко и јасно зошто отворените стандарди се важни за сите нас. Презентацијата можете да ја преземете во Open Document Format (open_standards_igor_stamatovski.odp), a исто и некои дополнителни референци и информации (cheetsheets.pdf) .

Прилог	Големина
open_standards_igor_stamatovski.odp	168.57 KB
cheetsheets.pdf	269.77 KB

Вести:

Од стара страница

Презентации

Конференции

Меѓународна работилница за слободен софтвер

2смк — Mon, 23 Oct 2006 23:52:25 +0000

На 25 и 26 октомври, во Скопје, ќе се одржи меѓународна работилница на тема употреба на слободен софтвер во образованието и владата во Република Македонија. Работилницата е наменета за претставници на владините и образовните институции на соседна Република Албанија.

Настанот ќе биде можност гостите од Албанија да споделат искуства со нивните колеги од Македонија, кои во македонските институции промовирале добро владеење преку употреба на слободен софтвер.

Повеќе информации за работилниците и учесниците на страницата посветена на настанот.

Вести:

Од стара страница

Настани

Проекти

Оглас за подготовка на понуда за тренинг на тренери

2смк — Fri, 22 Sep 2006 22:33:47 +0000

Слободен софтвер Македонија во рамките на UNDP проектот Support to e-Governance initiatives based on Free/Open Source Software at the local level in FYR Macedonia доби барање за понуда за одржување на тренинг на тренери.

Затоа, ги повикуваме сите членови на заедницата кои имаат искуство со работа со слободен софтвер и кои досега се афирмирале како активни учесници во проектите кои биле спроведувани од страна на Слободен софтвер Македонија, да подготват понуда доколку се заинтересирани.

Потребен документ за изготвување на понудата е официјалниот Terms of Reference (TOR-Training-FOSSv2.2.pdf). Рокот за доставување во UNDP 28.09.2006 год.

Предлог понудите да се испратат до info-AT-slobodensoftver.org.mk најдоцна до 27.9.2006 год. Надлежниот орган на Слободен софтвер Македонија потоа ќе ја избере најдобрата понуда, ќе ја верификува со печат и ќе ја предаде во UNDP Македонија.

Што треба да знаете доколку се одлучите да пишувате понуда:

Предност во оценувањето на понудите ќе имаат оние кои ќе бидат доставени од лица со препознатлив придонес во работата со слободен софтвер/софтвер со отворен код во Р. Македонија (или во светот);
Како референца за изготвување на предавањата треба да се користи документот Free Software Macedonia: UNDP Curriculum for Training of Trainers (Undp-curiculum-ver-0.3.odt);
Доколку UNDP ја избере понудата доставена од Слободен софтвер Македонија, деталите околу финансиите ќе се спроведуваат според новиот статут и придружните документи на организацијата;
За дополнителни дискусии и прашања, отворете нишка на [ossm-members].

Со среќа!

Прилог	Големина
Undp-curiculum-ver-0.3.odt	13.72 KB
TOR-Training-FOSSv2.2.pdf	141.09 KB

Вести:

Од стара страница

Проекти

Конкурси