Слободен софтвер Македонија - Работилници

Слободен софтвер Македонија учествуваше на третата работилница за изработка на национална стратегија за отворени податоци

Гоце Митевски — Wed, 11 Apr 2018 15:10:21 +0000

Вести:

Слободен софтвер Македонија, претставувана од Гоце Митевски, учествуваше на третата работилница за изработка на национална стратегија за отворени податоци организирана од Министерство за информатичко општество и администрација (МИОА), во соработка со Центар за управување со промени (ЦУП).

Во текот на работилницата Слободен софтвер Македонија искажа мислења и забелешки во врска со нацрт-верзијата на Стратегијата за отворени податоци 2018-2020, нацрт-Акцискиот план и Анексите на стратегијата, особено во врска со користењето на отворени податочни формати и софтверски апликации со отворен код.

Повеќе информации на:

Трета средба на работната група за отворени податоци - Центар за управување со промени

Слободен софтвер Македонија учествуваше на работилница за изработка на национална стратегија за отворени податоци

Гоце Митевски — Mon, 25 Dec 2017 15:31:20 +0000

Слободен софтвер Македонија, претставувана од Гоце Митевски и Никола Ковачевски, учествуваше на првата работилница за изработка на национална стратегија за отворени податоци организирана од Министерство за информатичко општество и администрација (МИОА), во соработка со Центар за управување со промени (ЦУП).

Повеќе информации на:

Работилница за изработка на Национална стратегија за отворени податоци - Министерството за информатичко општество и администрација
МИОА и ЦУП одржаа работилница за изработка на Национална стратегија за отворени податоци - Центар за управување со промени

Вести:

Работилници

Учество на конференцијата Слобода и приватност на интернет во Скопје

Игор — Mon, 21 May 2012 14:29:27 +0000

Игор Стаматовски и Дамјан Георгиевски учествуваат на конференцијата за слобода и приватност на интернет организирана од Метаморфозис и Institut international des droits de l’homme et de la Paix (2IDHP).

Практични примери за енкрипција на податоци и користење софтвер за анонимно сурфање ќе споделуваат Александар Лазаров и Јованка Гулицоска.

Конференцијата се одржува на 21 и 22 мај, во Сити Хол во Скопје.

Темата презентирана во рамките на Сесија 1: Правна и институционална рамка на приватноста во ЕУ и во
Балканскиот регион, од страна на Игор Стаматовски беше Интернетот не заборава и беше фокусирана на предизвизите на членовите на заедниците на слободен софтвер за враќање на слободата на социјалните мрежи. Презентацијата се осврна на располагањето на корисниците на интернет со сопствените податоци и на кој начин социјалните мрежи им го оневозможуваат тоа. Како бизнис моделите на социјалната мрежа ги става луѓето во позиција на средства со кои социјалната мрежа располага, а вистинските корисници на социјалната мрежа се компаниите, владите итн. Беше презентирана и шанса како ние од кампот на слободниот софтвер гледаме на оваа ситуација и како да го решиме овој горлив проблем на 21 век со помош на иницијативата на проф. Ебен Моглен од Software Freedom Law центарот и фондацијата FreedomBox. Во спротивно предупреди Стаматовски, ни претстови нова лустрација која овојпат ќе се одвива за нашите животи кои сме ги објавиле, а социјалната мрежа макотрпно и систематски ги архивирала.

Дамјан Георгиевски го изложи своето видување на 22 мај на во рамките на Сесија 2: Државата и медиумите со презентација на тема Законот за авторско право и слободата на изразување. Тој се осврна на рестриктивноста на законот за авторски права, централизираноста на содржините и проблемот кој ваквиот рестриктивен закон го наметнува кога централниот авторитет ќе добие поплака од страна во врска со некоја содржина и нејзина недостапност. Ја објасни се потенката линија помеѓу задоволување на овој рестриктивен закон и се помалата слобода на говор која се постигнува со негов злоупотреба.

Фотографиите од настанот можете да ги погледнете подолу

Вести:

Конференции

Презентации

Работилници

Циклус јавни расправи по повод текстот на НПСС

2смк — Sat, 12 Mar 2011 19:29:37 +0000

Во понеделник почнува циклус на јавни расправи по текстот на Националната политика за слободен софтвер (НПСС).

Националната политика за слободен софтвер претставува акт кој после јавна дискусија ќе биде предложен за усвојување од Владата на Република Македонија. Оваа политика ќе уредува препораки за користење, набавка и поддршка на слободен софтвер и софтвер со отворен код тргнувајќи од претпоставката дека овој тип на софтвер е јавно добро.

Слободниот софтвер претставува оној тип на софтвер кој на корисниците им ги дава следниве слободи:

слобода во начинот на употреба на софтверот;
увид во тоа како софтверот е напишан;
слобода во тоа самиот софтвер да се менува, прилагоди и подобри;
слобода тие промени да се „вратат“ назад во заедницата.

Ваквиот софтвер им користи на различни целни групи. За студентите тој нуди увид во тоа како комплексен софтвер се програмира со што знаењето и вештините на огромен број стручњаци се пренесува кон помладите генерации. За бизнисите тој нуди зголемена конкурентност, бидејќи секој може да го редистрибуира и нуди како продукт. За власта тој нуди зголемена транспарентност и безбедност, бидејќи увидот во тоа како тој работи е отворен и достапен. Ова кумулативно се пренесува во заедничка општествена корист.

Јавните власти во Република Македонија веќе имаат искуство со имплементација и користење на слободен софтвер. Проектот „Компјутер за секој ученик“ скоро целосно работи со слободен софтвер и е една од поголемите имплементации во регионот и светот.

Циклусот настани се состои од јавни расправи во:

Тетово -- простории на центарот за балканска соработка Љоја 14.март.2011 во 13ч
Штип -- општинската сала 17.март.2011 во 14ч
Скопје -- Институт за информатика при ПМФ 21.март.2011 во 13ч
Битола -- Технички факултет 22.март.2011 во 11ч

Јавните настани се пред се наменети за три целни групи: академската заедница, бизнис секторот, граѓанските организации и претставници на локалната власт. Секако, на јавните настани може да дојде било кој заинтересиран граѓанин. На самиот настан, претставници на работната група ќе ја презентираат НПСС после што ќе се отвори дебата на која учесниците ќе можат да ги дадат своите сугестии. Настанот е предвиден да трае 2 часа.

Вести:

Предавање и работилници за проектот Mozilla

Игор — Tue, 14 Apr 2009 12:15:30 +0000

Отворена покана за сите заинтересирани дека на Факултетот за електротехника и информациски технологии во Скопје, на ден 15.04.2009 (среда) од 18 до 22 часот, во амфитеатарот на Факултетот, ќе имаат можност подобро да се запознаат со проектот Mozilla, на настан организиран од „Слободен софтвер Македонија“. На тој начин заинтересираните ќе имаат можност да ги продлабочат своите знаења од областа на употреба на Интернет технологиите и Интернет програмирањето.

Предавањата ќе ги водат: Сони Пирс (Sony PIERS), Арзел Јунзи (Arzhel YOUNSI) и Грег Костенобл (Grйgoire COUSTENOBLE), сите од Франција, истакнати придонесувачи на проектот Mozilla. Целта е да компјутерските корисници во Македонија добијат шанса одблизу да се запознаат со проектот Mozilla и оние кои го работат да видат каде и како можат да ги употребат неговите производи со цел подобро да си ги завршат своите задачи.

Во склоп на настанот предвидено е да се одржат две предавања/работилници:

* Техничко предавање: Firefox за веб програмери, отворени веб стандарди, прелистувач што е напишан според стандардите , HTML 5, новата структура за обработка на JavaScript, нови CSS можности;
* Предавање за крајните корисници: како да се користи web 2.0 во Firefox, демонстрација на отворени веб стандарди, интересни додатоци и можности.

Слободен софтвер Македонија е здружение на граѓани во Република Македонија формиранo од, претежно, млади луѓе кои секојдневно користат слободен софтвер во својата домашна и професионална работа. Како организација работи на промовирање на слободниот софтвер во Република Македонија.

Фондацијата Mozilla e непрофитна организација која постои за да обезбеди водство и поддршка на Mozilla проектот за слободен софтвер. Таа ги одредува насоките и стандардите при развојот на производите од проектот Mozilla. Најзначајните производи од овој проект се: интернет прелистувачот Mozilla Firefox, клиентот за електронска пошта Mozilla Thunderbird и во поново време интернет прелистувачот за мобилни уреди Mozilla Fenec.

Tурата по европските Mozilla заедници e замислена како три неделно патување на неколку членови на тимот на Mozilla во различни држави од Источна европа и Балканот во кои интернет прелистувачот Mozilla Firefox се користи на повеќе од 50% од компјутерите. Идејата на патувањето е да се промовира Mozilla, нејзината мисија да промовира отворени веб стандарди и да се сретнат локалните заедници кои го помагаат развојот на Firefox и останатите производи од Mozilla.

Турата можете да видите како напредува на следниов линк, на блогот на Mozilla. Гостите од Mozilla на нивната турнеја би требало прво да ја посетат Струмица, повеќе информации очекуваме од нашите пријатели од Струмица, а ќе ги објавиме на нашиот блог.

Вести:

Учество на работилницата „Инклузивна е-Власт“

Миша — Mon, 26 Nov 2007 11:29:50 +0000

На 23.11.2007, Миша Поповиќ како претставник на „Слободен софтвер Македонија“ присуствуваше на работилницата насловена „Инклузивна е-Власт“ организирана од фондацијата Метаморфозис.

Тоа што можеше да се забележи од неколкуте презентации поврзани со работењето на власта во доменот на е-услугите кои ги нуди е дека постои напредок во софистицирањето на услугите. Пријатно изненадува и фактот дека дел од службите се свесни за потребата на користење прифатени и отворени стандарди при нудење на онлајн услуги.

Меѓутоа, реакцијата на „Слободен софтвер Македонија“ беше дека обврската за користење стандарди и отворени формати треба да се преточи во јасно прецизирана политика на сите степени на власт, институции и други организации. Истовремено, укажавме на тоа дека во истражувачките проекти поврзани со утврдување и следење на степенот на софистицираност на онлајн услугите, потребно е додавање и на компонента која ќе го утврдува степенот на независност на услугата од оперативен систем и конкретни апликации.

Вести:

Настани

Работилници

STACS работилница во Белград

2смк — Wed, 07 Nov 2007 18:41:31 +0000

Во Белград на 4-ти декември, во организациј ана Европската фондација за слободен софтвер, ќе биде организира една од работилниците од проектот STACS.

Ова е покана заинтересираните организации од Македонија да се пријават за работилницата.

Дополнителни инфромации може да се најдат на делот од страницата на ФСФЕ посветен на проектот STACS.

Вести:

Општо

Заедница

Работилници

Споделете знаење!

2смк — Wed, 06 Dec 2006 15:19:43 +0000

Слободен софтвер Македонија на својот блог специјално посветен на споделувањето на знаење, го најави отворањето на работилниците за слободен софтвер кои ќе се одржуваат на Факултетот за електротехника и информациски технологии.

Работилниците ќе се одржуваат секоја втора недела а започнуваат на 28.11.2006 (вторник). Бидете таму!

Вести:

Од стара страница

Настани

Работилници