Слободен софтвер Македонија - Конференции

Учество на конференцијата Слобода и приватност на интернет во Скопје

Игор — Mon, 21 May 2012 14:29:27 +0000

Игор Стаматовски и Дамјан Георгиевски учествуваат на конференцијата за слобода и приватност на интернет организирана од Метаморфозис и Institut international des droits de l’homme et de la Paix (2IDHP).

Практични примери за енкрипција на податоци и користење софтвер за анонимно сурфање ќе споделуваат Александар Лазаров и Јованка Гулицоска.

Конференцијата се одржува на 21 и 22 мај, во Сити Хол во Скопје.

Темата презентирана во рамките на Сесија 1: Правна и институционална рамка на приватноста во ЕУ и во
Балканскиот регион, од страна на Игор Стаматовски беше Интернетот не заборава и беше фокусирана на предизвизите на членовите на заедниците на слободен софтвер за враќање на слободата на социјалните мрежи. Презентацијата се осврна на располагањето на корисниците на интернет со сопствените податоци и на кој начин социјалните мрежи им го оневозможуваат тоа. Како бизнис моделите на социјалната мрежа ги става луѓето во позиција на средства со кои социјалната мрежа располага, а вистинските корисници на социјалната мрежа се компаниите, владите итн. Беше презентирана и шанса како ние од кампот на слободниот софтвер гледаме на оваа ситуација и како да го решиме овој горлив проблем на 21 век со помош на иницијативата на проф. Ебен Моглен од Software Freedom Law центарот и фондацијата FreedomBox. Во спротивно предупреди Стаматовски, ни претстови нова лустрација која овојпат ќе се одвива за нашите животи кои сме ги објавиле, а социјалната мрежа макотрпно и систематски ги архивирала.

Дамјан Георгиевски го изложи своето видување на 22 мај на во рамките на Сесија 2: Државата и медиумите со презентација на тема Законот за авторско право и слободата на изразување. Тој се осврна на рестриктивноста на законот за авторски права, централизираноста на содржините и проблемот кој ваквиот рестриктивен закон го наметнува кога централниот авторитет ќе добие поплака од страна во врска со некоја содржина и нејзина недостапност. Ја објасни се потенката линија помеѓу задоволување на овој рестриктивен закон и се помалата слобода на говор која се постигнува со негов злоупотреба.

Фотографиите од настанот можете да ги погледнете подолу

Вести:

Конференции

Презентации

Работилници

Поднесок до Министерството за информатичко општество од 2смк, за иницијативата за отворено владино партнерство и отворени податоци

Игор — Thu, 22 Mar 2012 13:27:05 +0000

Следниов поднесок е доставен до irena.bojadzievska miao.gov.mk и marija.nikoloska mioa.gov.mk ќе биде доставено и до архивата на миоа

Open Data иницијатива, како да стане подобра

Како претставници од Слободен Софтвер Македонија, на вчерашната конференција посветена на
Open Data, нафрливме неколку поенти и предлози колку што времето и дискусијата дозволуваа.
Слободен Софтвер Македонија е отворен за соработка и во прилог има неколку од разработените
предлози и идеи.

== Екосистем на отворени податоци ==

Иако пласирањето на Open Data иницијативата е возможна и без целиот екосистем[1], неговото
популаризирање на вистинскиот начин и самоодржливоста и исплатливоста без креирањето на
овој екосистем не се возможни. За еден ваков проект да успее, или подобро, за да успее еден
проект од владата наменет за граѓаните, не е можно без нивно директно вклучување во процесот
на пласирање и изработка.
Таа соработка исто така мора да е очигледна, со што е можно поголем круг на граѓани. Не го
земајте здраво за готово зборот „очигледна“, затоа што треба да се сфати буквално: односно,
сите да се вклучени и да им е јасно за што всушност, се работи и што со тоа ќе се постигне и
секако каква корист ќе имаат од тоа. Подлабоко влијание на граѓаните имаат идеите кои
циркулираат доле, меѓу нив и од кои се дел, или е дел некој што го познаваат и може да им
објасни од прва рака, од било каква телевизиска кампања која би ги на пример, рекламирала
отворените податоци и би креирала свесност за нивно користење и обработка.
Креирањето на сервисите (како e-government) кои се наменети за јавното добро и граѓаните, би
било природно да се одвиваат по пат на соработка помеѓу органите на јавната управа (владата),
граѓаните и бизнис заедницата.

== Слободен софтвер успешен пример за соработка ==

Добар пример за успешна соработка на глобално и локално ниво е заедницата на слободен
софтвер - каде волонтери, професионалци, преставници на различни групи и поедицни креираат
крајни производи, конкурентни и сосема функционални, кои пак им се враќаат како придобивка
на истите тие придонесувачи во проектите, но и на поширок појас на корисници. Околината на
слободниот софтвер е секогаш отворена за соработка, и како што рековте дека акциониот план е
жива материја, за слободниот софтвер важи истото: ако нешто не ви се допаѓа или сакате да
додадете, а имате познавања и ресурси како тоа да го направите, слободно можете во
координација на оние кои го координираат проектот тоа и да го направите, или пак да оставите
барање кое ќе биде разгледано и можеби усвоено и направено за вас.
Овде може да се потенцираат приоритетите за кои беше разговарано на конференцијата; на
ваков начин би се намалила можноста за грешка или евентуално несогласување на приоритетите
кои можеби владата мисли дека се на најважни, со оние кои се реална потреба на граѓаните.
Покрај креирањето на платформите како е-влада, со ваквиот начин на работа би се стимулирале
и креациите на нови апликации кои би ги користеле отворените податоци, и заедницата ќе
може да си ги прави сама за себе. Иако изгледа како за ова да се постави требаат и многу работи
и инфраструктура, всушност постојат многу готови сервиси кои би можеле да се искористат за
подигнување на ваква платформа за работа и колаборација.
Веќе постоечките системи за комуникација и менаџирање на ваквите проекти се достапни, и
како повеќе од нашите членови се дел од нив повеќе години, не е воопшто комплицирано да се
изведат. За почеток, можат да се вклучат студентите, или професионалците кои сакаат
волонтерски да учествуваат во креирањето и подобрувањето на ваквите системи и апликации, во
соработка со граѓанскиот сектор кој би ги идентификувал потребите.

== Што можеме да примениме ==

На пример, на оваа страница http://www.ecidadania.org/es/ се наоѓа шпански проект за е-влада,
кој ќе има за задача да биде продолжена рака на владата и преку кој граѓанскиот сектор,
невладините и индивидуалците граѓани ќе можат да се вклучуваат да бидат социјално активни
во одредени акции, или пак да учествуваат во креирањето на владините политики, делот кој веќе
го имате. Овој проект е базиран сосема на слободен софтвер, односно кодот е отворен, а отворен
е и за колаборација на проекти како Google Summer of Code, за кој еден од нашите претставници
ви спомна на конференцијата, отварајќи ја можноста ние да направиме нешто слично.
Ние би можеле да го направиме истото за сервисите кои треба да се градат овде во Македонија,
поставувајќи го костурот на апликација, и отварајќи ја целосно за секој кој сака да придонесе во
нејзиното креирање и подобрување. Локалните студенти и ит професионалци ќе стекнат пракса
во вистински проект, ќе се чувствуваат вклучени во проектот, а и граѓаните сигурно овој потег
ќе го прифатат со радост. Понатаму, граѓанскиот сектор би можел наместо да води дискусии
директно да придонесе давајќи конкретни предлози кои би сметале дека треба да се направат од
волонтерите. Во Македонија, недостига комуникацијата помеѓу владата и граѓанскиот и бизнис
секторот, која би требало да се воспостави на сите нивоа. За сето тоа треба време, но
Министерството за Информатичко Општество ја има идеалната можност да почне во таа насока,
со отварањето на овие проекти, и користејќи ја инфраструктурата која му ја нудат новите
технологии за воспостанување транспарентна и партиципативна политика која ќе биде дочекана
со одобрување од другата страна.

== Чекорите и препораки потребни за имплементирање на концептот на отворени
податоци според Слободен софтвер Македонија би требало да ја следи следнава
предложена временска рамка ==

• Пред да се почне да се работи на акцискиот план нулта точка е стандардизирање на
форматите на објавување на отворените податоци наш предлог е xml, json, csv, rst ;
• Слободниот софтвер и отворените формати на документи се клучни при импментацијата
на концпетот на отворени податоци, Националната политика за слободен софтвер која е
во рацете на МИОА значително ќе ја подобри оваа позиција и ќе постави здрава основа
за понатамошниот раст и развој на дигиталните владини сервиси, внатрешни процеси и
објавување на отворени податоци ;
• Хармонизација на авторските права за објавените податоците, содржините произведени
од органите на јавната управа, дозвола за споделување (CC BA-SA) криејтив комонс
наведи извор, сподели под исти услови) или компатибилна лиценца прилагодена на
законот за авторските и сродни права ;
• Интероперабилност и пристап и користење на отворените податоци од повеќе
оперативни системи и од сите поголеми мобилни платформи ;
• Приоритет за пилот е Заводот за статистика и објавување на отворени податоци од
богатата ризница со која располага оваа јавна установа .

[1] Jeff Kaplan, презентација http://www.slideshare.net/jeffkaplan88/jeff-open-mkmar2012

Ресурси

http://www.slideshare.net/Metamorphosis/ss-12114520
http://mioa.gov.mk/?q=node/2945

Прилог	Големина
open_data_initiative_suggestions.pdf	47.1 KB

Вести:

Јавна администрација

Записници

Конференции

2с.мк на Е-општество 2011

Арангел — Sat, 26 Nov 2011 15:48:43 +0000

Слободен софтвер Македонија и оваа година зеде учество во најголемата конференција во Македонија посветена на ИТ и електронското општество. Овогодинешната тема беше „ИКТ и животната средина: Приказна за отпадот“.

Презентација на темата „Користење на слободен софтвер со постар хардвер“ оддржа Арангел Ангов. Презентацијата можете да ја превземете на врската горе а повеќе за конференцијата можете да најдете на http://e-society.org.mk

Дополнување: Линк до видео од презентацијата.

Прилог	Големина
foss_e-waste.odp	134.77 KB

Вести:

Презентација на политиката на конференцијата Е-општество 2010

2смк — Thu, 02 Dec 2010 15:19:49 +0000

На конференцијата Е-општество 2010, а во рамките на проектот Национална политика за слободен софтвер, презентација имаше Новица Наков од Слободен софтвер Македонија.

Во презентацијата беше објаснет процесот на пишување на политиката, како и прашањата кои таа се обидува да ги адресира.

Како куриозитет, презентацијата беше првата што заврши во рамките на предвиденото време за што претставникот на Слободен софтвер Македонија доби посебни пофалби од организаторот.

Вести:

Конференции

Организација

Презентација на Е-општество.мк 2009

Арангел — Fri, 04 Dec 2009 15:28:59 +0000

На 2 и 3 декември 2009 година се одржа петата по ред меѓународна конференција Е-општество.мк, овој пат на темата „Јас, медиум“. Како и на претходните изданија, така и овој пат Слободен софтвер Македонија учестуваше со своја презентација на работниот дел од конференцијата.

Новица Наков презентираше на тема „Ширењето на хакерскиот дух“. Презентацијата опфати неколку примери за раниот развој на интернет, во време кога хакерите развивале софтвер самостојно и најмногу поради решавање на своите проблеми. Она што денес го знаеме како основно тело на интернет, започнало како занимација за голем број на програмери. Хакерската култура која типично ја објаснува желбата на луѓето да создаваат на овој начин, изникнува од американскиоте академски институции какко МИТ и Беркли, каде неслучајно се раѓа и слободниот софтвер.

Во рамките на отворената дебата на вториот ден, Игор Стаматовски зборуваше за искуствата на Слободен софтвер Македонија во самостојното организирање на активностите во хаклабот КИКА.

Денеска, новите медиуми не можат да се замислат без интернет, но дали духот на хакерите ќе се прошири помеѓу луѓето кои ги користат новите медиуми?

Има одлучно „да“ на ова прашање. Примерите од светот веќе јасно говорат дека луѓето, имајќи ги сите алатки на располагање, нема да чекаат некој друг да им пренесе информации или да обработи податоци. Можеби највидлив пример за ова е Gapminder.

Во Македонија исто така постојат неколку примери за ваква самостојна употреба на медиумите. Иако некои од овие не се базирани на слободен софтвер, сепак тие го следат оддолу-нагоре направи сам пристапот, нешто што го одликува хакерскиот дух.

Да се надеваме дека во иднина ќе се случи приближување и новите медиуми развивани во хакерски дух сѐ повеќе ќе го користат слободниот софтвер кој го пишуваат хакерите.

Вести:

Настани

Конференции

E-Society.mk 2008, нашето гостување

Александар — Thu, 11 Dec 2008 13:53:01 +0000

На 10 декември 2008г. во организација на Метаморфозис во Скопје повторно се случи E-Society, конференција преку која се разгледуваат начините и можностите за имплементирање на услугите на ИКТ во служба на граѓаните. Оваа година повторно имавме наш удел во реализирањето на конференцијата преку наша презентација, во сесијата „e-Education Platforms“, на тема „FLOSS Solutions“, односно решенија базирани на слободен софтвер за е-образовни цели. Презентер беше Александар Балаловски.

Наш впечаток е дека конференцијата помина со нешто помал интензитет за разлика од другите години. Имаше предавачи кои најблаго речено не ја познаваа тематиката која, со оглед на нивните позиции би требало да ја владеат, а која нас нѐ засегна поради тоа што голем дел од темите опфаќаа и споменување или конкретни решенија кои се слободен софтвер. Неколку моменти го задржаа нашето внимание, особено кога на прашања поставувани од публиката во врска со гласовен синтесајзер на македонски претставниците од конкретни институции даваа дипломатски одговори, заобиколувајќи го конкретниот одговор. Би сакале да споменеме дека како слободен софтвер за гласовно синтентизирање на македонски јазик постојат неколку решенија, од кои дел се веќе имплементирани во Edubuntu. Espeak е исто така решение кое е слободен софтвер и кое „зборува“ течен македонски.

Во текот на некој од наредните сесии беше направена паралела помеѓу хакерите и криминалците, па дури и беше сугерирано дека „местото на хакерите е во Идризово“. Можеби ова звучи ноншалантно и небитно, но според нас, ваквите терминолошки бариери ја отежнуваат работата на оние кои се најзаслужни за постоењето на Мрежата како таква. Хакерите не се кракери не се криминалци! Интернет како појава денес постои поради тоа што некои луѓе кои се вистински хакери, некогаш направиле нешто од протокот на податоци. Сепак не би сакале личноста која „ни покажа“ да ја оквалификуваме како непрофесионалец, затоа што имаме почит кон сите.

Се надеваме дека догодина вакви конференции ќе има повеќе, особено би биле среќни доколку на ваквите конференции е задоволство да се дискутира со небирократскиот аспект на ИКТ на теми кои очигледно се нашата иднина.

Вести:

Презентации

Конференции

Учество на е-Општество.мк 2007 на тема инклузивна е-власт

Игор — Fri, 30 Nov 2007 21:20:27 +0000

Конференцијата „е-Општество.мк“ се одржа во Скопје на 29 и 30-ти ноември 2007 година.

Слободен софтвер Македонија одржа своја презентација на првиот ден од конференцијата на сесијата насловена „Креирање околина за инклузивна е-власт“. Претставник на 2c.mk овој пат беше Миша Поповиќ.

Во ефектната и доста динамична презентацијата на тема „Улогата на јавниот домен, Криејтив комонс и слободниот софтвер во развојот на е-власт“, Миша говореше за тоа како овие концепти создаваат околина за развој на е-власт која ќе им биде достапна на сите граѓани и која ќе промовира слобода.

Презентацијата наиде на одличен прием и ги отвори вратите за широка дискусија за слободен софтвер на последната сесија на конференцијата на 30-ти ноември.

Вести:

Презентации

Конференции

Авторското право во дигиталната ера

Игор — Wed, 05 Sep 2007 09:46:44 +0000

На 6-ти септември 2007 година двајца претставници на 2с.мк зедоа учество на Летниот Охридски Универзитет, во рамките на конференцијата насловена Креативни индустрии.

Дамјан Георгиевски го презентираше значењето на мрежниот ефект кај слободниот софтвер и неговиот еко систем, Игор Стаматовски ги претстави отворените ИКТ еко системи и отворените стандарди.

Учесниците беа вработени во јавната администрација и помлади државни службеници кои активно се вклучија во дискусијата.

Третиот дел беше замислен и одлично спроведен како панел сесија во која се разгледаа авторските права и нивното протегање од јавниот домен, преку копилефт, до креативни заеднички содржини па се до целосна заштитени авторски права.

Слободен софтвер Македонија беше поканета од центарот за нови иницијативи во уметноста и културата Локомотива да учествува на конференцијата. Ние сме задоволни од она што го покажавме таму, гостопримството и синергијата која произлезе од темите кои ги начнавме слободниот софтвер, отворените стандарди и слободната култура.

Им благодариме на за гостопримството на Билјана Тануровска и Локомотива за поканата и се надеваме на идна успешна соработка.

Вести:

Конференции

Конференција за слободен софтвер

2смк — Wed, 16 May 2007 19:01:13 +0000

На 15.05.2007 во Македонија се одржа првиот голем настан за слободен софтвер на кој присуствуваа луѓе кои што не се дел од заедницата и не се хакери.

Слободен софтвер Македонија на самиот крај на главниот настан со своја презентација ја повика јавноста да се вклучи во активности поврзани со слободен софтвер - секој како што може, знае и умее.

Повеќе за самиот настан има напишано нашиот Александар Балаловски. Прочитајте тука.

Вести:

Од стара страница

Настани

Конференции

Слободен софтвер Македонија на e-Society.mk 2006

2смк — Thu, 16 Nov 2006 00:04:31 +0000

Ден први од втората конференција e-Society.mk. Нашиот Игор Стаматовски, во рамките на пленарната сесија за е-влада и граѓанско учество, презентираше кратко и јасно зошто отворените стандарди се важни за сите нас. Презентацијата можете да ја преземете во Open Document Format (open_standards_igor_stamatovski.odp), a исто и некои дополнителни референци и информации (cheetsheets.pdf) .

Прилог	Големина
open_standards_igor_stamatovski.odp	168.57 KB
cheetsheets.pdf	269.77 KB

Вести:

Од стара страница

Презентации

Конференции