Слободен софтвер Македонија - Општо

30 години од почнувањето на проектот GNU

Новица — Mon, 30 Sep 2013 09:42:33 +0000

На 27 септември 1983 година Ричард Столман го најавува проектот GNU со порака на тогашните социјални мрежи - популарните usenet групи:

„Почнувајќи од Денот на благодарноста ќе почнам да пишувам слободен оперативен систем....“

Фондацијата за слободен софтвер во текот на септемви и октомрви 2013 го одбележува овој ден со активности поврзани и со слободен софтвер, како и хакатон кој изминатиот викенд се оджра на MIT во Кембриџ.

Секој може да се приклучи во оваа прослава со по-една-слободен-софтвер-работа-на денот преку предлозите што фондацијата ги има објавено на https://gnu.org/gnu30/gnu-a-day/.

Вести:

Општо

Податоци за употребата на слободен софтвер во приватниот и јавниот сектор во Р. Македонија

2смк — Wed, 07 Nov 2012 08:58:25 +0000

Според информациите собрани од страна на Државниот завод за статистика на Р. Македонија во 2010 и 2011 година употребата на слободен софтвер бележи раст во приватниот сектор (мали, средни, големи претпријатија) и јавниот сектор (министерства, агенции, јавни претпријатија и локална самоуправа).

Во 2010 година употребата на „бесплатен (open source) оперативен систем пр. Linux“ во приватниот сектор е 11%, при што постои значителна разлика помеѓу употребата на вакви системи во малите компании (до 50 вработени) каде употребата е 8,7% и големи (над 250 вработени) каде употребата е 28%. По класа на типот на дејсноста според Националната класификација на дејности предничат компаниите што се бават со „Финансиско посредување“ (класи 65, 66, 67) и „Деловни активности“ (класи 70-74). Во овој извештај не постојат посебни податоци за ИКТ секторот.

Во 2011 истражувањето на Државниот завот е подетално. Покрај употребата на „Оперативен систем пр. Linux“ каде според податоците е забележан раст од 10 процентни поени (просекот е 22,2% за целиот приватен сектор – а сите групи според големината на субјектите имаат отприлика ист процент на употреба од 21-23), во истражувањето има податоци и за употребата на друг слободен софтвер. Така, „Софтвер за интернет пребарувач, пр. Mozilla, Firefox“ користат 63,3% од компаниите (57,1% малите, 66,1 средните и 78.6 големите компании), а „Офис софтвер пр. OpenOffice“ користат 34,6% од компаниите (34,2%, 31,6%, 50,6% соодветно). Според дејностите употребата на „Open Source оперативен систем пр. Linux“ е најголема во одделот „Информации и комуникации“ каде 65,3% од субјектите користат ваков оперативен систем, потоа следат „Финансиските дејности“ со 51,6% и „ИКТ сектротот“ со 58,1. Најмалку субјекти што користат ваков систем има во „Градежништво“ - 18,8%.

Во истражувањето од 2012 година за деловните субјекти во Р. Македонија не се прибирани податоци за употребата на слободен софтвер.

Според истражувањето од 2009 во јавниот сектор Besplaten ("open source") operativen sistem (na pr., Linux) користеле 16.9% од субјектите. Поделени по групи 33,3% од министерствата го користеле овој оперативен систем, додека кај останатите субјекти употребата е помеѓу 13 и 16 проценти.

Во 2011 има пораст од 8 процентни поени. Употребата на Operativen sistem, pr., Linux 25.0
е 25% при што има незначителна разлика помеѓу централната и локалната власт. Незначителна разлика помеѓу локалната и централната власт постои и во процентот на употреба на „Софтвер за интернет пребарувач,. пр, Mozilla, Firefox, Chromium“ каде употребата е на високи 91,5 од сите субјектите во овој сектор. Употребата на „Ofis softver, pr., OpenOffice“ е исто така висока – 63,6% од сите субјекти користат ваков тип на софтвер.

За подетални информации видете ги официјалните соопштенија на Државниот завод за статистика на следниве URL-а:
http://www.stat.gov.mk/PrethodniSoopstenijaOblast.aspx?id=97&rbrObl=27
http://www.stat.gov.mk/PrethodniSoopstenijaOblast.aspx?id=76&rbrObl=27

Вести:

Реакција по повод дополнетиот Предлог-закон за граѓанска одговорност за навреда и клевета

Миша — Mon, 22 Oct 2012 10:59:22 +0000

Денес, Слободен софтвер Македонија повторно им испрати писма на пратениците во Собранието на Република Македонија. Повод за ова беа последните измени во предлог-законот за граѓанска одговорност за навреда и клевета. Иако дел од измените се во насока на нашето претходно барање, сметавме дека е потребно да им се обратиме на пратениците за уште некои, за нас отворени прашања во член 11.

Целиот текст од писмото:

Предмет: Дополнет предлог-закон за граѓанска одговорност за навреда и клевета

Почитувани,
Последните промени во текстот на предлог-законот за граѓанска одговорност за навреда и клевета ги адресираа проблемите кои што ги воочи пошироката македонска јавност. Благодарни сме што Вие како наш претставник, и Собранието на Република Македонија воопшто, брзо реагираа на јавно искажаната загриженост.

Меѓутоа, делови од предлог-законот за граѓанска одговорност за навреда и клевета остануваат спорни и ја користиме оваа прилика да побараме од Вас уште еднаш да застанете во одбрана на вредностите на нашата Република.

Имено, во членот 11 во дополнетиот Предлог-закон за граѓанска одговорност за навреда и клевета во став 2, точка 2 во последната реченица се уште стои, цитираме:

„Барање за отстранување на информација може да поднесе и оштетеното лице.“

Сметаме дека оваа одредба ја нарушува позицијата на судската власт како единствена која би требало да може да одлучи за отстранување на некоја содржина.

Во таа смисла, членот 23 од истиот Предлог-закон доволно го регулира отстранувањето на содржини и затоа цитираната реченица треба да биде избришана од членот 11.

Со поднесување на амандман за бришење на овој дел, се надеваме дека уште еднаш ќе покажете одговорност во заштитата на правниот поредок и Уставот како и слободите на граѓаните.

Со почит,
Слободен софтвер Македонија

Вести:

Владан Поповиќ

Владан — Sat, 22 Oct 2011 18:57:59 +0000

Вести:

Општо

Владан Поповиќ е еден од поновите членови на Слободен софтвер Македонија. Прв пат се запозна со организацијата од самото отварање на хаклабот КИКА и од тогаш активно е вклучен во скоро сите проекти на организацијата.
По професија програмер, најмногу сака python и активно ја следи неговата примена во веб технологиите.

Со Владан можете да контактирате на е-пошта: <vladan slobodensoftver.org.mk>

Поддршка за „Слобода наместо страв“

Миша — Fri, 16 Sep 2011 08:47:45 +0000

Со придружување кон европската иницијатива „Слобода наместо страв – запрете ја манијата на прислушкување“, граѓанските организации од Македонија искажуваат поддршка за напорите на сите бранители на човековите права и слободи кои се залагаат за ограничувањето на прекумерното прислушкување од страна на компаниите и властите.

Од 10 до 19 септември, низ низа европски градови како Берлин, Дрезден, Виена, Луксембург, Варшава и Брисел движењето организира протести и дебати за тоа како да се зачуваат човековите права на приватност од сите форми на следење, особено во дигиталната сфера. Кулминација на активностите се протестите во Брисел на 17 септември, по кои, на 19 септември ќе се одржи и дебата во Европскиот Парламент со парламентарците и персоналот на Европската комисија. Апелот на движењето укажува:

„Манијата на прислушкување продолжува да се шири. Прислушкувањето на работните места, особено е во пораст. Вработените се под надзор и се следат и на работа, понекогаш и во приватниот живот. Истовремено, владините институции не пропуштаат прилики да нè регистрираат, следат и контролираат. Без разлика што правиме, со кого зборуваме, или кому се јавуваме, во кои групи членуваме или кои интереси ги следиме – „големиот брат“ од државата и „малите браќа и сестри“ од деловниот сектор се секогаш чекор напред и испаѓаат попаметни од нас, граѓаните. Ваквиот недостаток на приватност и доверливост го загрозува нашето општество. Луѓето, кои постојано чувствуваат дека се набљудувани и следени, се воздржуваат непристрасно и храбро да застанат во одбрана на нивните права и праведното опшество.

Наводните придобивки за сигурноста кои често се наведуваат како оправдание за прислушкување и контрола, се многу сомнителни: акумулирањето информации за граѓаните не доведува до поголема заштита од криминалот, туку само троши дополнителни милијарди секоја година. Мерките за поселективно и одржливо јакнење на сигурноста се игнорираат. Истото важи и за наоѓање лекови за поитните општествени проблеми, како невработеноста и нееднаквите можности во нашите земји. Над тоа, многустраната агенда за сигурносни реформи води кон конвергенција на надлежностите и соработка меѓу полицијата, тајните служби и војската, со што се разводнува поделбата и рамнотежата на моќ. Ова води и кон намалување на уставните заштити од прислушкување, што нашето општество го изолира од остатокот на светот.

Набљудувањето, како дел од секојдневниот живот, ни влијае на сите нас, не само на малцинствата: Ја загрозува нашата слобода на религија, нашата слобода на изразување и информирање, нашето право на слобода на медиумите, слободата за здржужување и интегритетот на компаниите. Голем број граѓански организации и струкови/професионални здруженија се изложени на исклучително силни мерки на прислушкување и контрола. Меѓу другите, меѓу нив се и работниците во советодавните услуги, здравството, синдикалците, новинарите и адвокатите.

Почитта кон нашата професионална и лична приватност е основен дел од човечкото достоинство. Слободно и отворено општество не може да постои без имплицитни приватни простори и слободна комуникација. Затоа ве повикуваме да се придружите на протестите против прекумерното прислушкување и контрола.

Во Македонија, од особена важност е спротивставувањето на неуставните законски „решенија“ со кои власта повремено се обидува да го легализира неограничениот пристап на полицијата кон електронските комуникации, како и нефункционирањето на собраниската Комисија за надзор над спроведувањето на мерките за следење на комуникациите од страна на МВР и МО.

Во РМ, драстичното зголемување на трошоците од буџетот на МВР за специјални мерки на следење, особено на Управата за безбедност и контраразузнавање, не доведуваат до зголемување на делотворноста на МВР. Според податоците објавени на нивниот веб-сајт, бројот на кривични дела е во пораст, а коефициентот на нивна ефикасност на решени случаи опаднал од 61,27% во 2005 г. на 51,03% во 2010 г.

Долупотпишаните граѓански организации ги повикуваат сите граѓани да се придружат кон ова паневропско движење, особено поради тоа што сите загрозување на интегритетот на личните податоци во РМ директно влијаат на загрозување на основните човекови права и слободи, меѓуетничките односи и слободата на медиумите.

Со почит:

• Слободен софтвер Македонија
• Фондација Метаморфозис
• Фондација Отворено општество – Македонија
• Цивил – Центар за слобода
• Форум – Центар за стратегиски истражувања и документација
• Здружение на граѓани Интернет Хотлајн провајдер Македонија
• Фондација НВО Инфоцентар
• Центар за развој на медиуми
• Македонски центар за европско образование
• Реактор – истражување во акција

Вести:

Медиуми

Настани

Општо

Собрание на Слободен софтвер Македонија

Игор — Tue, 19 Apr 2011 23:47:30 +0000

Согласно статутот Слободен софтвер Македонија ќе одржи собрание на 20.04.2011 година во КИКА хаклаб, со почеток во 18 часот со следнава точка на дневниот ред:

1.Усогласување на актите на организацијата согласно Законот за здруженија и фондации (Службен весник на Република Македонија, бр. 52/2010)

Вести:

Општо

Организација

Последна ревизија на текстот на Националната политика за слободен софтвер

Миша — Tue, 05 Apr 2011 12:36:23 +0000

Откако завршија јавните средби по повод текстот на националната политика за слободен софтвер составена е претпоследна верзија. Оваа верзија уште еднаш ја оставаме на јавна расправа се до петок (08.04.2011), кога финализираниот текст ќе биде доставен до Министерството за информатичко општество и администрација со цел да се усвои како владина политика.

Со таа цел, ги молиме сите заинтересирани да достават свои забелешки или во делот за коментари или на имејл адреса. Повеќе за јавните настани можете да видите тука.

Однапред благодариме.

Прилог	Големина
npss.pdf	210.42 KB

Вести:

Повик за заштита на приватноста на граѓаните во Република Македонија

Арангел — Thu, 10 Jun 2010 13:57:40 +0000

Слободен софтвер Македонија безрезервно го поддржува повикот за заштита на приватноста на граѓаните во Република Македонија инициран од група невладини организации и фондации. Сметаме дека предложените измени на законот за електронски комуникации се целосно неприфатиливи како и дека ги нарушуваат основните човекови права и се спротивни на Уставот на Република Македонија.

Во продолжение можете да ги прочитате деталите објавени на веб сајтот на фондацијата Метаморфозис:

Почитувани,

Врз основа на експертската анализа на Предлог-законот за измени и дополнувања на Законот за електронски комуникации, мислењата на релевантните заинтересирани страни, особено невладините организации кои се занимаваат со заштита на човековите права, искажани во јавноста, како и на тркалезната маса „Приватноста во Македонија“ која се одржа на 4 јуни 2010 година во Скопје бараме ваквиот предлог на закон да се повлече од собраниска процедура.

Повлекувањето на ваквиот Предлог-закон е неопходно за да се спречи инвазија врз приватноста на граѓаните во Република Македонија. Во продолжение се наведени дел од причините за тоа:

Со ваквиот Предлог-закон се нарушуваат основните постулати на Уставот на РМ, пред сè член 17, кој ја гарантира неповредливоста на слободата и тајноста на писмата и сите други облици на општење, оти се овозможува отстапување од ова начело без судска одлука, како и член 25 кој гарантира почитување и заштита на приватноста на личниот и семеен живот, на достоинството и угледот.

Со предлог-законот се прекршува Европската конвенција за човекови права и други меѓународни договори ратификувани од Собранието на РМ.

Предлог-законот не е усогласен со одредбите од Директивата 2009/136/ЕК на Европскиот парламент и Советот на ЕУ.

Со предлог-законот неоправдано се проширува основата за следење на комуникациите на граѓаните, наспроти нормите воспоставени со Законот за заштита на лични податоци, Законот за следење на комуникациите и Законот за кривична постапка.

Со предложените измени се воведуваат низа непрецизни формулации со кои се создаваат законски можности за арбитрарна и неограничена примена на прислушкување и други облици на следење на електронските комуникации, без можност за контрола според принципите на транспарентност и отчетност.
Со предлог-законот се овозможува МВР да има „постојан и директен пристап“ до електронските комуникациски мрежи и објектите на операторите на јавни комуникациски мрежи и давателите на јавни комуникациски услуги, како и „услови за самостојно преземање на податоците за сообраќај“, што ќе ја направи Република Македонија една од ретките, а веројатно и единствената земја во светот во која државен орган има такви овластувања, без можности за надворешна контрола.

Задолжувањето на операторите „на свој трошок да обезбедат соодветна опрема и интерфејс“ за следење и чување на комуникациите ќе предизвика значителен финансиски трошок врз нивната работа што од една страна може да доведе до зголемување на цената на чинење на нивните комуникациски услуги за корисниците, а од друга страна можност за зголемување на доминантната положба на пазарот на операторите кои имаат значителна пазарна моќ.

Процесот на изготвување на предлог-измените е спроведен на нетранспарентен и неинклузивен начин, без овозможување на учество на релевантните институции (Делегација на Европска Унија во РМ, Дирекцијата за заштита на личните податоци), како и стручната јавност, приватниот и граѓанскиот сектор.

За повеќе информации посетете го веб сајтот на фондацијата Метаморфозис.

Вести:

Општо

Заедница

Организација

Прирачник за пристапни опции во Edubuntu

Арангел — Wed, 14 Apr 2010 12:04:00 +0000

Слободен софтвер Македонија во соработка со фондацијата Метаморфозис и организациајта „Отворете ги прозорците“ го објави прирачникот за пристапни опции во Edubuntu и GNOME. Благодарение на посебните алатки достапни во оваа работна околина, на лицата со хендикеп (на пр. со оштетувања на видот, моторни нарушувања, интелектуална попреченост) им се овозможува да го користат овој оперативен систем без поголеми потешкотии.

Прирачникот е објавен под лиценцата Creative Commons 2.5 и е достапен за преземање од сајтот на Метаморфозис.

Вести:

Виктор Стојановски

Игор — Tue, 16 Mar 2010 23:24:06 +0000

Вести:

Општо

Организација

Виктор Стојановски е член на Слободен Софтвер Македонија од март 2010 година но и претходно активно работел за заедницата, активист и член на на Лугола од 2005 година. Виктор е апсолвент на Факултетот за електротехника и информациски технологии(ФЕИТ) во Скопје, на насоката за применета информатика.

Примарен интерес му е имплементација и примена на слободниот софтвер во стопанството и секојдневната работа со компјутер. Активен корисник на социјални мрежи преку кои што го промовира слободниот софтвер. Виктор е автор на блогот http://zuberot.lugola.net каде што најчесто разработува теми кои што се тесно поврзано со слободниот софтвер и неговото правилно користење.

Со Виктор можете да контактирате на е-пошта: <viktor slobodensoftver.org.mk>.