Медиуми

Сиже: Клиентскиот софтвер за месечни пријави за придонеси за плати од ФПИОМ, кој законски задолжително мора да се користи за електронска достава на истите, ги принудува обврзниците да користат оперативен систем од еден понудувач.

Софтверот на ФПИОМ ги игнорира заложбите на Националната стратегија за информатичко општество

Прашањата за независност од софтверска платформа и достапност за сите се игнорирани при изработката на клиентскиот софтвер за МППП

(16.12.2005) Скопје, Р. Македонија - Според законските прописи кои ја регулираат пензиската реформа во Р. Македонија сите обврзници ќе мораат да доставуваат месечни пријави за придонеси за плати во електронски формат. За таа цел, обврзниците мора да користат софтверска алатка која ја снабдува Фондот на пензиското и инвалидското осигурување на Македонија.

Понудениот софтвер работи само под оперативните системи Microsoft Windows. Како таков, тој ги дискриминира обврзниците кои не користат такви оперативни системи на своите персонални компјутери.

Ова е во спротивност со Националната стратегија за информатичко општество, документ кој го усвои и Собранието на Р. Македонија, каде на повеќе места се споменува „независност од софтверска платформа“ и „достапност за сите“, а кои се однесуваат на услугите кои ќе ги нудат државните институции. Во стратегијата стои заложба за промовирање на слободен софтвер, која во овој случај исто така се заобиколува.

Не треба да се заборави дека високи претставници на Владата тврдеа дека стратешкото партнерство со Microsoft нема да влијае на софтверот кој ќе се нуди за разни електронски услуги, т.е. дека граѓаните и фирмите нема да бидат принудувани да користат софтвер од одредени производители.

За повеќе информации, контактирајте ја Интернет канцеларијата на Слободен софтвер Македонија на http://slobodensoftver.org.mk и е-пошта info_НА_slobodensoftver.org.mk.

За Слободен софтвер Македонија: Слободен софтвер Македонија е непрофитна организација која се занимава со промовирање, развој и дистрибуција на слободен софтвер на територијата на Република Македонија.

Тука можете да го преземете и документот кој го испративме до Владата на Р. Македонија, Комисијата за информатичка технологија, Министерството за труд и социјална политика и Фондот на пензиското и инвалидското осигурување на Македонија.

Невладината организација Слободен Софтвер, ги поздравува и целосно ги поддржува заклучоците на Антикорупциската комисија со кои се потврдуват нашите тврдења дека договорот со Микрософт е склучен во крајно нетранспарентни околности, без јавна и научна дискусија, без разгледување на алтернативни решенија и секако без национална стратегија за развој на информатиката.

Воедно договорот овозможува директна монополска поставеност на Микрософт и е штетен, со несогледиви последици, за Република Македонија.

Истовремено ја информираме јавноста дека како посебен елемент во целиот процес на договарaње, Г-дин Горан Радман, региoнален директор на Микрософт, изјави "Нашите правни експерти и правниците на Владата изготвија план како целата работа да се изведе без тендер".Заклучоците на Антикорупциската комисија само ги потврдија сомнежите.

Слободен Софтвер Македонија смета дека за иднината на информатичкaтa индустрија во Македонија треба многу посериозно да се обрне внимание.

Слободниот Софтвер нуди технолошки, економски, едукативни, но и општествени придобивки за сите луѓе, а владата мора да го направи најдобриот избор во корист на македонските граѓани.

Воедно ја информираме јавноста дека Европската Унија го казни Микрософт со 613 милиони долари за монополистичко однесување и злоупотреба на доминацијата на нивните оперативни системи.

Слободен Софтвер Македонија смета дека за иднината на информатичките индустрија во Македонија треба многу посериозно да се обрне внимание. Слободниот Софтвер нуди технолошки, економски, едукативни, но и општествени придобивки за сите луѓе, а владата мора да го направи најдобриот избор во корист на македонските граѓани.

Слободен Софтвер Македонија и пред потпишувањето на договорот ги документираше аргументите против потпишување на истиот. Повеќе информации може да се најдат тука.

За Слободен софтвер Македонија
Слободен софтвер Македонија е непрофитна организација која се занимава со промовирање, распространување и развој на слободниот софтвер на територијата на Р. Македонија. Наша цел е постигнување прифаќање на слободниот софтвер и неговите концепции. Ги образуваме луѓето дека софтверот треба да биде слободен, и дека токму слободата е најважното прашање. Сметаме дека неслободниот софтвер е проблем кој треба да се реши, а не решение на некој проблем.

Во организација на Метаморфозис oд 14-ти до 16-ти ноември, 2003 година, во Охрид, се одржа работилницата на тема „Новинарите и предизвиците што ги носи информатичкото општество“.

Во склоп на работилницата предавање на тема „Концептот на слободен софтвер и Македонија“ одржа нашиот Данко Илиќ.

Презенатацијата (слајдовите) можете да ги превземете тука (PDF) и тука (OpenOffice Impress).